Luka 6:39 - Tedim Bible

³⁹ Tua ciangin Jesuh in amaute kiangah thugentehna khat zong gen a, “Mittaw khat in mittaw dang khat lam paipih thei lo hi. Paipih zenzen leh a nih tuakun hawkguamah kiakhawm ding uh hi.

Tedim Bible Revision 2017

³⁹ Tua ciangin Jesu in amaute kiangah thu gentehna khat zong gen a, “Mittaw khat in mittaw dang khat lam paipih thei lo hi. Paipih zenzen leh a nih tuakun hawkguam ah kia khawm ding uh hi.

Luka 6:39 Referans Kwoze

Mattiu 15:14

Hih mite lunghihmawh ngaihsut kei un. Amaute pen mittaw makai ahi uh hi. Mittaw khat in mittaw dang khat makaih leh a nihun hawkguam sungah kiakhawm ding uh hi,” ci-in a dawng hi.

2 TIMOTI NIHNA 3:13

migilote le thuthei kineihin mi khem theite zong siattat semsemin, amaute in mi khemkhemin, amaute mah in zong khemna a thuak ding mah uh ahi hi.

Isaiah 56:10

Amau’ galvilte a mit uh taw a, amaute khempeuh in bangmah thei lo uh hi. Amaute khempeuh ui ham thei lo inncing tawh kibang uh a, amaute in tawng thei lo uh hi. Mot paupau, lumlum, lususu in om ding bek nuam a sa uh hi.

Isaiah 9:16

Bang hang hiam cih leh hih minam a makaihte in lam khialsak a, amau’ makaih mite in siatna ngah uh hi.

Mattiu 23:33

Gul a bang mite’ suanlekhak mite aw, hell khuk tun nading thukhenna panin a suakta dingin bangci-in kilamen thei na hi uh hiam?

Jeremiah 8:12

Hih a kihhuai nate a sep uh ciangin a maizum beek uh hiam? Maizum beek lo uh a, kisuangthei beek lo uh hi. Tua ahih manin a site lak mahah amau zong si ding uh a, gim ka piak ni ciangin a kilawnkhia ding uh hi, Topa in kong ci hi.

Jeremiah 6:15

Hih a kihhuai nate a sep uh ciangin a maizum beek uh hiam? Maizum beek lo uh a, kisuangthei beek lo uh hi. Tua ahih manin a site’ lak mahah amaute zong si ding uh a, gim ka piak ni ciangin a kilawnkhia ding uh hi,” Topa in hong ci hi.

ROM (Romans) 2:19

Mittawte lam a lak ding, khuamial sunga om mite khuavak a musak ding,

Mattiu 13:3

Amah in thugentehna a tuamtuam zangin thu tampi hilhin a genin-ah: “Khaici vawhpa khaici vawh dingin a kuankhia hi.