Luka 6:30 - Tedim Bible

³⁰ A hong ngente peuhmah na pia unla, na na uh a hong laksakte tung panin lakik kei un.

Tedim Bible Revision 2017

³⁰ A hong ngente peuhmah na pia unla, na na uh a hong laksakte tung panin lakik kei un.

Luka 6:30 Referans Kwoze

2 KORIN NIHNA 8:9

Bang hang hiam cih leh i Topa Jesuh zong hau mahmah napi-in ama zawnna tawh note mihau na suahtheih nadingun note’ hangin mizawngin hong kibawl ahih manin i Topa Jesuh Khrih hong itna bangzah takin lian hiam, cih thu na thei uh hi.

Sawltak 20:35

Topa Jesuh mahmah in, ‘Ngahna sangin piak khiatna-ah lungdamna lianzaw hi,’ a cihna phawkkawmin nakpitakin nasepna tawh na khempeuhah a zawngkhalte huh ding hi hang, ci-in note kiangah kong lak khinzo hi,” ci-in a vaikhak hi.

Mattiu 6:12

Kote tungah a hong mawhte mawh maisakna ka neih bangun ko’ mawhna zong hong maisak in.

Luka 18:22

Jesuh in hih thu a zak ciangin ama kiangah, “Na khat na kisam lai hi. Na neihsa khempeuh zuak inla, mizawngte tungah na sum khotte pia in. Tua hileh vantungah na hau ding hi. Tua khit ciangin ka nung hong zui in,” a ci hi.

Paunak 21:26

Mihoih lote in lungkim hun nei loin deih thuah tawntung uh a, mihoihte cingh-in piakhia tawntung uh hi.

Late 41:1

Mi genthei a khualte thupha ngah ahi hi. Topa in haksatna hunah amaute honkhia ding hi.

Paunak 19:17

Mizawngte tungah a piate in Topa’ tungah a pia hi a, Topa in a cingin amaute tungah lohkik ding hi.

Luka 12:33

Na neihsa uh zuak unla, mizawngte tungah tua sumte na pia un. Note a dingin a sia thei lo sumkholna na bawl unla, gutate in a luh zawh lohna, leikha in zong a nek zawh lohna, cikmahin a kiam ngei hetloh nading mun vantungah na sumte uh na khol un.

Luka 11:41

Ahi zongin na hai leh na kuang sung uhah a omte pen itna tawh mizawngte tungah pia le-uhcin, note a dingin na khempeuh hong siang ding hi.

Luka 6:38

Midangte tungah pia un. Tua hileh Pasian in note tungah zong hong pia ding hi. Bang hang hiam cih leh midangte na piakna uh tawh kizui-in a henhen, a tahtah, a dimletin Pasian in note tungah hong pia ding hi,” a ci hi.

Mattiu 18:35

“Tua mah bangin note in zong na lungsim uhah na sanggamte uh mawhna na maisaknop kei uhleh vantungah a om ka Pa in note tungah zong tua bangmahin a hong bawl ding ahi hi,” a ci hi.

Thuhilh-sia 8:16

Pil ding hahkatin, leitung a thupiangte ka theih ciangin sun le zanin ihmu lo liangin i om hangin,

Paunak 22:9

A cingh mi in mizawngte an pia a, amah in thupha ngahkik hi.

Late 112:9

Amah in hawmkhia zuahzuah a, mizawngte tungah a piakhia hi. Ama migitna kip tawntung a, amah vanglianin kipahtawi ding hi.

Efesa 4:28

Guta ngeite in gu nawn loin, ama nuntak nading thuman takin thalawhin, mizawngte zong a huhtheih lai nadingin thatang tawh nasep ding kipan ta uh hen.

Thuhilh-sia 11:2

Na sumbuk vante mun sagih-ah ahi a, mun giat-ah ahi zongin khen kawikawi in. Hih leitungah bang thusia hong piang ding cih na theikhol kei hi.

Mattiu 5:39

Ahi zongin note kiangah ke’n kong genin-ah: A gilote na thukkik kei un. Mi khatpeuh in na paang taklam hong bet leh a langkhat zong na dawh lai zaw in.

Luka 6:29

Na paang langkhat a hong bengte, a langkhat zong na dawhlai un. Na puantungsilh uh a hong sutte tungah, na puansungsilh uh zong na piathuah lai un.

Luka 6:31

Note tungah a hong kibawl ding na deih uh bangin midangte tungah na bawl un.