Luka 6:27 - Tedim Bible

²⁷ “Ahi zongin ka thugen a za note kiangah kong cihin-ah: Na galte uh na it unla, no hong mudah mite tungah a pha na bawl un.

Tedim Bible Revision 2017

²⁷ “Ahi zongin ka thugen a za note kiangah kong cih in ah: Na galte uh na it unla, no hong mudah mite tungah a pha na bawl un.

Luka 6:27 Referans Kwoze

1 THESALONIKA MASA 5:15

Gitlohna lamsang kuamah kithuk loin, note khatlekhat tung le mi khempeuh tungah a pha kibawl ding ngaihsutpi-in na nei un.

Luka 6:35

Tua bang lelin note na gamta kei ding uh hi. Na galte uh itin amaute tungah thupha bawl unla, lohkik ding lamen loin leitawi pia un. Tua hileh na thaman uh lian ding a, a Lianpen Pasian’ tate na hi ding uh hi. Bang hang hiam cih leh lungdamna mel a theithei lo mite le a huaiham mite tungah amah migi hi.

Paunak 24:17

Na galte in gimna a ngah ciangin lungdam kei inla, a puk ciangin kipak kei in.

Galati 6:10

Tua ahih ciangin hunhoih i ngah simin midangte tungah a hoihin i gamta ding a, a diakdiakin thu upna sungah i innkuanpihte khempeuh tungah i hoih gamtat ding i phawk ding hi.

Marka 4:24

Tua ciangin amaute kiangah, “Na zak uh thu limtakin ngaihsun un. Midangte tungah na piakna uh tawh kizui-in note tungah Pasian in hong pia ding a, a tamzaw-in hong piathuah ding hi.

Sawltak 10:38

Nazareth khuami Jesuh tungah Pasian in Kha Siangtho le vangliatna pia a, Pasian in a ompihna hangin tua Jesuh in a paina khempeuhah na hoih semin, Dawimangpa in a gimsak mite khempeuh a damsakna thu zong na thei uh hi.

Sawltak 7:60

Tua ciangin amah kunin nakpitakin kiko a, “Topa aw, hih mite’ mawhna na maisak in,” a cih khit ciangin a si ta hi.

Luka 23:34

Ahi zongin Jesuh in, “Pa aw, amaute in bang hih ihi hiam cih thei lo uh ahih manin a mawhna uh na maisak in,” a ci hi. Tua ciangin amau’ ngah ding ciat a theih nadingun ai sanin a puante a hawm uh hi.

Luka 8:18

Tua ahih ciangin thu na ngaih uh ciangin limtakin kingaihsun un. Bang hang hiam cih leh a neisa mipa tungah Pasian in piathuah ding a, a nei lo mipa tung panin themkhat nei-a a kingaihsut nangawn lakkhiatsak ding hi,” a ci hi.

Luka 8:15

Leihoih a tukna munte pen Pasian’ thu a zak ciangin lungsimtak tawh a thu mangin kip tawntung uh ahih manin amau a dingin man a neite a cihnopna ahi hi,” a ci hi.

Luka 8:8

Pawlkhatte, leihoihna lak tu-in khang a, a zah zakhat ciang dong a piang hi,” a ci hi. Tua ciangin Jesuh nakpitakin kiko a, “Zak nading bil a neite in hih thu za ta un,” ci-in a thugen a khum hi.

Luka 6:22

“Mihing Tapa’ hangin mite in hong mudahin hong tuamkoih a, hong simmawhin migiloin hong seh ciangin thupha ngah na hi uh hi.

3 JOHAN THUMNA 1:11

Ka hong it lawm Gaias aw, mi hoih lote’ gamtatna zui kei inla, mihoihte’ gamtatna zui in. A gamtat hoih mite pen Pasian tawh a kipawl mi hi a, a gamtat hoih lo mite pen Pasian a thei nai lo ahi uh hi.

Paunak 25:2

Pasian in thu a ip manin a min thang a, kumpite in thu a genkhiat manin minthang uh hi.

Late 7:4

bangmah thu om lopi-in ka lawmte khemin, ka galte ka huh taak leh,

1 KUMPI MASATE 13:6

Tua ciangin kumpipa in Pasian’ mipa kiangah, “Tu-in Topa na Pasian’ maipha kunh inla, ka khut a ngei a bat nadingin thu hong ngetsak in,” a ci hi. Tua ciangin Pasian’ mipa in Topa’ tungah kunh hi. Tua ciangin kumpipa’ khut a ngei bangkik a, a nidanga mah hong bang hi.

Sawltak 16:28

Ahi zongin a aw neihzah tawh Paul kiko a, “Bangmah kicih kei in! Ka vekpi-un kim ung!” a ci hi.