Luka 6:21 - Tedim Bible

²¹ Tuhunin a gilkial note nidang ciangin na gil uh a vah ding hi. Tuhunin a dah note nidang ciangin na nuam ding uh hi.

Tedim Bible Revision 2017

²¹ Tuhunin a gilkial note nidang ciangin na gil uh a vah ding hi. Tuhunin a dah note nidang ciangin na nuam ding uh hi.

Luka 6:21 Referans Kwoze

Johan 6:35

Tua ciangin Jesuh in, “Kei pen nuntakna an ka hi hi. Ka kiangah hong paite gilkial ngei nawn lo ding a, kei hong umte dangtak ngei nawn lo ding hi.

Mattiu 5:6

Pasian’ deihteng sep ding a hanciamte Pasian in lungkimna ngahsak ding ahih manin thupha ngah mi ahi uh hi.

Jeim 1:12

A hoih takpi mah hiam, ci-in sinna a thuak ciangin a nangzote a hampha mahmah ahi hi. Tua bangin a nangzote in, amah a itte tungah Pasian in a piak dingin a ciam nuntakna lukhu a ngah ding uh hi.

Luka 1:53

Bangmah a nei lote tungah na manpha tampi pia a, mihaute, khuthawm guakin a paikhiasak hi.

Mattiu 5:4

Dahin a thum a tau mite Pasian in amaute hehnem ding ahih manin thupha ngah mi ahi uh hi.

Mangmuhna 7:16

Amaute gilkial cih om nawn lo ding a, a dang uh zong taak nawn lo ding hi. Nisa zong thuakkha nawn lo ding uh a, a sa in zong kangkha nawn lo ding hi.

Luka 6:25

Tuhunin a gilvah note in gilkial gimna na thuak ding uh hi. Tuhunin a lungdam note dahin na kap ding uh hi.

1 KORIN MASA 4:11

Tuni ciang dong gilkial dangtakin puansilh ding nangawn nei loin ka om uh hi. Inn le lo zong nei loin hong kinotsuk hong kinotto kawikawi hi.

Johan 4:10

Jesuh in, “Pasian’ hong piaktheih dingte le tuidawn ding hong ngen pa theitel hi lecin, ama kiang pan tui a ngen ding na hizaw a, amah in nuntakna tui nang hong pia ding hi,” a ci hi.

Jeremiah 31:9

Amaute a kap kawmin hong pai ding uh a, keimah in hehnemin amaute ka pi kik ding hi. Tui omna lui gei-ah amaute ka paipihkik ding a, lam nuamah paipihin a tuk kei ding uh hi. Bang hang hiam cih leh Israel mite’ pa ka hi a, Efraim, ka ta upa pen ahi hi.

Isaiah 30:19

Jerusalem khuasunga a teng, Zion sunga om mite aw, note na kap nawn kei ding uh hi. Note’ kahna aw hangin Topa in hong hehpih taktak ding a, amah in a zak ciangin note hong dawng ding hi.

Late 107:9

Bang hang hiam cih leh amah in a gilkial a dangtakte phasak a, bangmah a nei lote tungah na hoih tampi a pia hi.

Late 17:15

Kei ka hih leh, thumanna tawh na maitang ka en ding a, ka khanlawh ciangin nangma mel muhna tawh ka lungkim ding hi.

Piancilna 21:6

Sarah in, “Pasian in kei a dingin nuamin nuihzak nading hong bawlsak khin hi. A za peuhmah in nuamin hong nuihpih ding uh hi,” a ci hi.

Piancilna 17:17

Tua ciangin Abraham mai kun sukin nui a, amahmah tungah, “Kum za a pha pasal khat in ta nei ding ahi hiam? Kum sawmkua a pha Sarah in ta nei ding ahi hiam?” kici hi.

Mangmuhna 21:3

Tokhom panin nakpitakin awging khat ka za a, “Tu-in Pasian omna inn pen mite tawh omkhawm ta hi. Pasian in amaute ompih ding a, amaute pen ama mite hi ding uh hi. Pasian mahmah amaute tawh omkhawm ding a, amah pen amaute’ Pasian hi ding hi.

2 KORIN NIHNA 12:10

Kei ka thaneem mahmah laitakin a thahat mahmah suak ka hih manin Khrih hangin ka thaneemna, simmawh ka thuakna, haksatna, bawlsiatna le lungkhamna ka thuaknate tawh ka lung a kim mahmah hi.

2 KORIN NIHNA 11:27

Nasem silbawlin ki-om tawntung a, ihmu man lo liangin zong ka om zel hi. Gilkial dangtakin ka om zel a, annek ding nei lo, giah nading om lo, puansilh ding nei loin ka om hun tampi a om hi.

2 KORIN NIHNA 6:10

Dahna ka thuak uh hangin ka lungdam uh a, kote a zawng tawh kibang napi-in mi tampi ka hausak uh a, bangmah a nei het lo tawh kibang napi-in a taktakin ka neih loh uh bangmah om lo hi.

Johan 11:35

Tua ciangin Jesuh zong a kap hi.

Ezekiel 9:4

“Jerusalem khuasung khempeuhah pai kawikawi inla, hih khuapi sungah a muhdahhuai gamtatnate a kisepna hangin dahin a lungkham mi khempeuhte’ taltangah ciaptehna va bawl in,” ci-in a sawl hi.

Ezekiel 7:16

Vakhu lau bangin mi pawlkhatte in mualtung tuh ding uh a, ahi zongin amau’ mawhna hangin si veve ding uh hi.

Jeremiah 31:25

Bang hang hiam cih leh a gim mite ka tawldamsak ding a, gilkialin a thazawm mite khempeuh an ka vak kham ding hi,” a ci hi.

Jeremiah 13:17

Ahih hangin ka thu nong ngaih kei uhleh na kisaktheihna uh hangin ka kapsim ding a, khitui luangin nakpitakin ka kidik ding hi. Bang hang hiam cih leh Topa’ tuuhonte sal dingin kikaikhia zo hi.

Jeremiah 9:1

Ka lutang tuikhuk hong hithei hen la, ka mitte khitui nak hong hithei leh ka mite’ kithahlupna hangin a sun a zanin ka kapkap ding hi.

Isaiah 66:10

Naungek in a nu’ nawi teepin nuam a sak mah bangin, Jerusalem in nuam a sakna ah nuam na sakkhawm theih nadingun amah a it khempeuhte aw, Jerusalem tawh lungdam unla, ama hangin kipak un. Ama hangin kapin a thum khempeuhte aw, ama lungdamna ah amah tawh lungdam khawm un, a ci hi.

Isaiah 25:6

Vanglian Topa in hih mual tungah mi khempeuh a dingin anlim nekna pawi, a ciil mahmah leenggahzu nekna pawi, guhngek tawh a kidim an nekna, a siangtho leenggahzu ciil nekna pawi bawl ding hi.

Late 143:6

Thu ngenin nang lamah ka khutte ka hong zan a, lei keu in tui a duh bangin nang ka hong duh hi.

Late 119:136

Mite in nangma thu zui lo uh ahih manin ka khitui hawk luanin a luang hi.

Late 65:4

Nangma inn-ah a om dingin na teel na lakte mi nuamsa ahi hi. Nangma biakinn siangtho, na innsunga hoihna tawh kote ka lungkim ding uh hi.

Late 28:7

Topa, ka hatna le ka lum hi a, amah ka muang hi. Tua ahih manin kei hong kihuh a, lungdamin ka diang a, ka lasakna tawh ama tungah lungdamna ka ko hi.

Luka 6:20

Tua ciangin Jesuh in a nungzuite en a, “No mizawngte Pasian’ Ukna sungah om na hih manun thupha ngah mi na hi uh hi.

Luka 6:22

“Mihing Tapa’ hangin mite in hong mudahin hong tuamkoih a, hong simmawhin migiloin hong seh ciangin thupha ngah na hi uh hi.