Luka 6:2 - Tedim Bible

² Amaute lakah a om Farisi mite pawlkhat in, “Sabbath ni-in i hih dingin a kilawm lo gamtatna bang hangin gamta na hi uh hiam?” a ci uh hi.

Tedim Bible Revision 2017

² Amaute lakah a om Farisi mite pawl khat in, “Sabbath ni-in i hih dingin a kilawm lo gamtatna bang hangin gamta na hi uh hiam?” a ci uh hi.

Luka 6:2 Referans Kwoze

Mattiu 12:2

Farisi mite in a muh uh ciangin Jesuh kiangah, “En in, Sabbath ni-in i hih dingin a kilawm lo gamtatna na nungzuite gamta uh hi,” a ci uh hi.

Johan 5:16

Tua ahih manin Jesuh in Sabbath ni-in cina a damsakna hangin amaute in Jesuh bawlsiat ding a kipan uh hi.

Marka 2:24

Tua ahih ciangin Farisi mite in Jesuh kiangah, “Bang hangin Sabbath ni-in gamtat loh dingpi, na nungzuite gamta uh ahi hiam?” a ci uh hi.

Luka 5:33

Tua ciangin amaute pawlkhat in Jesuh kiangah, “Johan’ nungzuite in an tangin thu ngen zelzel uh a, Farisi mite’ nungzuite zong tua bangmahin gamta napi-in, bang hangin nangma nungzuite in tang loin om se uh ahi hiam?” ci-in a dong uh hi.

Isaiah 58:13

Note in Sabbath siangtho sakin, keima ni siangtho ni-in na nasepna panun khawlin Sabbath ni pen deihhuai sa-in, Topa’ ni siangtho pen pahtawihuai na cih uh a, note in pahtawi-in note’ deih bang zui loin, note’ ut bang hi loin motpau loin na om uhleh,

Paikhiatna 35:2

Ni guk sungin nasep kiman ding a, ahih hangin a ni sagih ni-in thupi-a tawlngakna Sabbath siangtho Topa’ tungah na nei ding uh hi. Tua ni-in na khat peuhpeuh a sem peuhmah kithat ding hi.

Paikhiatna 31:15

Ni guk sungin nasep kizo ding hi. Ahih hangin a ni sagih ni pen a thupi-a tawlngakna Sabbath ni hi a, Topa’ tungah siangtho hi. Sabbath ni-in nasep khat peuhpeuh a sem mi peuhmah kithat ding hi.

Paikhiatna 22:10

“Mi khat in ama vengte tungah la ahi a, bawngtal ahi a, tuu ahi zongin, ganhing khat peuhpeuh kep dingin a piak a, kuama muh lohin tua ganhing a si a, a liam a, a kihawlkhia ahi zongin ahihleh,

Mattiu 15:2

“Bang hangin na nungzuite in tangtawng pek panin a hong kihilh suksuk i pupa ngeinate zui lo uh ahi hiam? Amaute in an a nek ma-un a ngeina ding bangin a khut uh sil masa lo uh hi,” a ci uh hi.