Luka 6:13 - Tedim Bible

¹³ Khua a vak ciangin a nungzuite sam a, amaute sung panin sawm le nih teelkhia-in sawltakte ci-in min a phuak hi.

Tedim Bible Revision 2017

¹³ Khua a vak ciangin a nungzuite sam a, amaute sung panin sawm le nih teel khia-in sawltakte ci-in min a phuak hi.

Luka 6:13 Referans Kwoze

Mangmuhna 21:14

Tua khuapikulh pen kulh tawphah suang sawm le nih tungah a kiciang hi a, tua suangtawphahte tungah Tuuno sawltak sawm le nihte’ min kigelh hi.

Efesa 4:11

Amah in mite tungah siamna a tuamtuam hong pia a, pawlkhatte sawltak nasep a sem ding, pawlkhatte kamsang nasep a sem ding, pawlkhatte thuhilh kawikawi nasep a sem ding, pawlkhatte pawlpi kem nasep a sem ding, le pawlkhatte laihilh nasep a sem dingin a hong seh hi.

Marka 6:30

Tua khit ciangin Jesuh kiangah sawltakte hong ciahkik uh a, a sepna khempeuh uh le a thuhilhna khempeuh uh a zasak uh hi.

Marka 6:7

Jesuh in sawm le nihte sam a, amaute tungah dawi hawlkhiat nading vangliatna pia-in, amaute nih nihin a sawlkhia hi.

Mattiu 9:36

Mihonte a muh ciangin, a cing nei lo tuuhon bangin gimna ngahin lungkhamin om uh ahih manin hehpihhuai a sa hi.

Mangmuhna 18:20

Vantung aw, ama siatna hangin lungdam in. Mi siangthote, sawltakte, le kamsangte aw, note tungah hong gamtatna hangin Pasian in ama tungah thukhenna pia khinta ahih manin lungdam ta un,” a ci uh hi.

Mangmuhna 12:1

Tua ciangin vanah lim lamdang lian khat hong kilang hi. Puan silh bangin ni silhin, a khe nuai-ah kha omin, aksi sawm le nih a kisuanna lukhu, a lu tungah a khu numei khat om hi.

2 PETER NIHNA 3:2

Tanglai peka kamsang siangthote’ thugen kholhte le note lakah sawltak na a semte in Topa le Honpa’ thupiakte a hong gensawn uh thute na phawkkik ding uh ka deih hi.

Hebru 3:1

Tua ahih manin Pasian’ sapna a ngah mi siangthote aw, eite’ upna thu tawh kisai-ah Siampi Lianpen a sem dingin Pasian’ sawltak Jesuh’ thu ngaihsun dih un.

Efesa 2:20

Note zong, sawltakte le kamsangte in a phuhsa innkhuam tungah a kilam na hi uh a, tua inn sutpi pen Jesuh mahmah ahi hi.

Sawltak 1:13

Jerusalem a tun uh ciangin amauteng, Peter, Johan, James le Andru, Filip le Thomas, Bartholomew le Matthai, Alfeas’ tapa James, Simon (gam khual pa), le James’ tapa Judas a tunna uh inn dei-ah a kahto uh hi.

Luka 22:30

Keima Ukna sungah anne tuidawnin sabuai kiimah na tu ding uh a, Israel minam sawm le nihte tungah thu a khen dingin thukhenna tokhom tungah na tu ding uh hi,” a ci hi.

Luka 11:49

Tua thu hangin Pasian’ Pilna a kici laibu sungah, ‘Amaute kiangah kamsangte le sawltakte ka sawl ding a, amaute in tua mite pawlkhat bawlsia-in na that ding uh hi,’ ci-in kigelh hi.

Mattiu 19:28

Jesuh in amaute kiangah, “Ke’n limtak a kong genin-ah: A hong tung ding hun thak sungah a minthanna tokhom tungah Mihing Tapa a tut hun ciangin kei a hong zui note zong, tokhom sawm le nihte tung mahah tu-in Israel minam sawm le nihte tungah thukhenin na om ding uh hi.

Mattiu 10:2

Tua sawltak sawm le nihte’ min in: A masa-in Simon (Peter zong a kici pa) le a naupa Andru, Zebedi’ tapa James le a naupa Johan,

Luka 6:14

Tuate in: Simon (Peter ci-in min a phuah pa) le a naupa Andru, James le a nau Johan, Filip, Bartholomew,

Johan 4:33

Tua ahih manin a nungzuite khatlekhat kiho-in, “Mi khatpeuh in an na puak khin hi ding ahi hiam?” a kici uh hi.