Luka 5:8 - Tedim Bible

⁸ Simon Peter in hih thu a muh ciangin Jesuh’ mai-ah khukdin a, “Topa aw, kei mawhnei mi ka hih manin ka kiang panin paikhia in,” a ci hi.

Tedim Bible Revision 2017

⁸ Simon Peter in hih thu a muh ciangin Jesuʼ mai ah khukdin a, “Topa aw, mawhnei mi ka hih manin ka kiang panin paikhia in,” a ci hi.

Luka 5:8 Referans Kwoze

Isaiah 6:5

Tua ciangin keimah in, “Gim ngah pa hi ta ing! Bang hang hiam cih leh a mawknapi ka hi hi; ka kama ka thugen khempeuh a mawkna vive hi a, a thugen khempeuh uh mawhna le nitna ahi mite lakah ka tengkha hi. Vanglian Topa, Kumpipa ka mukha khinta hi,” ka ci hi.

Mangmuhna 1:17

Amah ka muh ciangin misi bangin ama khe phungah ka puk hi. Ahi zongin amah in ka tungah a taklam khut hong nga a, “Lau kei in; kei pen a kipatna le a tawpna ka hi a,

Thukhente 13:22

Manoah in a zi kiangah, “Pasian mu khin ihih manin i si taktak ding hi,” a ci hi.

Paikhiatna 20:19

Moses kiangah, “Nangmah in kote kiangah thu hong gen in; kote in ka ngai ding uh hi. Ahi zongin kote si kha ding ka hih uh ciangin ko tungah Pasian hong gensak kei in,” a ci uh hi.

JOB (Job) 40:4

“Topa aw, ka haipau kha hi. Hong bangci dawn theih ding ka hi hiam? Tu a kipanin ka pau nawn kei ding hi.

1 SAMUEL MASA 6:20

Tua ciangin Bethshemesh mite in, “Hih a siangtho Pasian, Topa’ mai-ah kua omzo ding ahi hiam? Eite’ kiang panin kua kiangah amah paisak ding ihi hiam?” a ci uh hi.

Mattiu 17:6

Nungzuite in hih awging a zak uh ciangin leilakah boksuk uh a, lamdang a sa mahmah uh hi.

Johan 11:32

Jesuh omna munah Mary tungin amah a muh ciangin ama khe mai-ah bok a, “Topa aw, nang hong om hi lecin ka u si het lo ding hi,” ci-in a kap hi.

Mattiu 8:8

Ahi zongin galkap bupa in, “Topa aw, keima inn-ah nangpipi nong pai dingin kilawm lo ka hih manin a dam nadingin thu pia lel lecin zong ka nasempa dam ding hi.

Mattiu 2:11

Inn sungah amaute lut uh a, naungek le a nu Mary a mu uh hi. Amaute khukdinin tua naungek a biak khit uh ciangin a vanpuakte uh suahkhia uh a, kham, saledi paknamtui, le myrrh paknamtuite, letsongin a pia uh hi.

1 KUMPI MASATE 17:18

Tua ciangin amah in Elijah kiangah, “Pasian’ mipa aw, kei’ langkhatah bang thu nei na hi hiam? Ka khialhna a pholak ding ka tapa’ sihna a piangsak dingin kei kiangah nong pai hi,” a ci hi.

2 SAMUEL NIHNA 6:9

Tua ahih ciangin tua ni-in David in Topa kihta hi. Amah in, “Topa’ Thuciamna Singkuang bangci-in ka kiangah hong tung thei ding ahi hiam?” a ci hi.

1 KORIN MASA 13:12

Dal limlang sunga et bangin tu laitakin a kitel pha loin i mu milmial a, ahi zongin mai lamah maitang kituahin i mu ding hi. Tu laitakin i theihnate kicing lo a, ahi zongin mai lamah Pasian in eite hong theih mah bangin a kicing takin amah i thei ding hi.

Luka 5:7

A gunkuang dang khatah a om a lawmte hong pai-in a huh nadingun a khut uh a van uh hi. Amaute zong hong pai uh a, gunkuang tegel sungah ngasa a dimtakin guang uh ahih manin a gunkuang tum dektak hi.

Luka 5:9

Tua zahin ngasa tampi a matna hangun amah le a lawmte in lamdang a sa mahmah uh hi.