Luka 5:5 - Tedim Bible

⁵ Tua ciangin Simon in, “Sia aw, tu zanthapai ngasa ka khuh uh hangin khat zong ka man kei uh hi. Ahi zongin khuh in, nong cih leh, ka khuh ding hi,” ci-in a dawng hi.

Tedim Bible Revision 2017

⁵ Tua ciangin Simon in, “Sia aw, tu zan thapai ngasa ka khuh uh hangin khat zong ka man kei uh hi. Ahi zongin khuh in, nong cih leh ka khuh ding hi,” ci-in a dawng hi.

Luka 5:5 Referans Kwoze

Johan 2:5

Ahi zongin Jesuh’ nu in nasemte kiangah, “Ama hong gen bangbangin gamta un,” a ci hi.

Johan 15:14

Ka hong thupiak bangin na gamtat uhleh ka lawmte na hi uh hi.

Johan 21:3

Simon Peter in a lawmte kiangah, “Kei, ngasa bengin kuan ning,” ci-in a gen leh a lawmte in, “Ko zong hong kuan nung,” ci uh ahih manin, amaute kuankhia-in gunkuang tungah a tuang uh hi. Ahi zongin tua zanin ngasa khat zong man lo uh hi.

Luka 8:24

Nungzuite in Jesuh hong naihin phong uh a, “Topa aw, Topa aw, kote ka si dektak uh hi,” a ci uh hi. Jesuh zong tho-in huihpi le tui kilok a daih nadingin thu pia a, a thupiak bangin hong dai dide pah hi.

Luka 17:13

nakpitakin kiko-in, “Topa Jesuh aw, kote hong hehpih in,” a ci uh hi.

Luka 9:33

A mite, Jesuh kiang panin a paikhiat laitakin Peter in bang gen ka hi hiam, cih mel zong a thei lopi-in Jesuh kiangah, “Topa aw, hih lai-a i om, nuam mahmah hi. Nang a’ ding buk khat, Moses a’ ding buk khat, Elijah a’ ding buk khat, buk thum kong lamsak ding uh hi,” a ci hi.

Luka 9:49

Tua ciangin Johan in, “Topa aw, nangma min tawh dawi a hawlkhia mi khat ka mu uh a, amah pen eima pawl sungah a om hi lo ahih manin ka kham uh hi,” a hong ci hi.

Ezekiel 47:10

Engedi khua panin Eneglaim khua ciang dong tuipi dungah ngasa bengte omin, tua dungah a ngen uh zalin phokeu ding uh hi. Mediterranean Tuipi sungah ngasa a omzah mah bangin ngasa nam tampi om ding hi.

Luka 8:45

Tua ciangin Jesuh in, “Kua in hong lawng na hi uh hiam?” a ci hi. Kuamah in, “Hong lawng ing,” a cih loh ciangin Peter in, “Topa aw, mi khempeuh in nang hong umcihin hong nehcip uh hi,” a ci hi.