Luka 5:37 - Tedim Bible

³⁷ Kuamah in savun um lui sungah leenggahzu a thak thun ngei lo hi. Thun zenzen leh leenggahzu thak in a savun um phukham ding a, a leenggahzu bua-in, a savun um zong kisia ding hi.

Tedim Bible Revision 2017

³⁷ Kuamah in savun um lui sungah leenggahzu thak thun ngei lo hi. Thun zenzen leh leenggahzu thak in a savun um phu kham dinga, a leenggahzu bua-in, a savun um zong kisia ding hi.

Luka 5:37 Referans Kwoze

Late 119:83

Bang hang hiam cih leh kei pen meikhu lak a a kikoihdak savun-um tawh ka kibang a, ahi zongin nangma ngeina kipte ka mangngilh tuan kei hi.

Joshua 9:13

Hih leenggahzu umte ka thun laitakun a thak ahi hi. Tu-in en un, puakgawp ta hi. Hih ka puante uh le ka khedapte uh khual gamlapi zinna-in paatgawpta hi,” a ci uh hi.

Joshua 9:4

amaute in khembawl ding vaihawm uh a, lam-an bawlin, a late uh tungah a paatsa ip le a paatsa leenggahzu um, a kikeek leh a kiphopte suanin,

Mattiu 9:17

Kuamah in savun um lui sungah leenggahzu thak thun lo hi. Kithun leh a savun um phukham ding a, a leenggahzu bua-in a savun um zong a sia a suak ding hi. Leenggahzu thak pen savun um thak sungah kithun bek hi. Tua ahih manin a nihin a sia om lo hi,” ci-in a dawng hi.

Luka 5:36

Tua ciangin Jesuh in thugentehna dang khat zong gen a, “Mi khat in puan thak khat eukhia-in puan lui thuapna-in nei lo hi. Tua bangin hih leh a puan thak pen a keeksak suak ding a, a puan thak eukhiat zong a puan lui tawh etlawm lo ding hi.

Luka 5:38

Tua ahih manin savun um thak sungah leenggahzu thak a kikoih ding ahi hi.