Luka 5:34 - Tedim Bible

³⁴ Jesuh in amaute kiangah, “Mopawi-ah zineipa le pawisimte a omkhawm laitakin a pawisimte an tangsak thei ding na hi uh hiam?

Tedim Bible Revision 2017

³⁴ Jesu in amaute kiangah, “Mopawi ah zineipa le pawisimte a om khawm laitakin a pawisimte an tangsak thei ding na hi uh hiam?

Luka 5:34 Referans Kwoze

Johan 3:29

Mo pen zinei ding tangvalpa a’ ding bek ahi hi. Zineipa kiangah a ding a lawmpa in ama kampau ding bek ngai a, ama awging a zak ciangin nuam mahmah hi. Tua mah bangin tu-in ama hangin ka nuam a, keima lungdamna kicingta hi.

2 KORIN NIHNA 11:2

Pasian in hong aam mahmah bangin note ka hong aam mahmah hi. Nungak le tangval nupa dingin a kigawm mah bangin khat bek ahi Khrih tawh a kigawm dingin nungak siangtho bang na hi uh hi.

Mattiu 22:2

“Vantung ki-ukna zia pen a tapa a dingin mo pawi a bawl kumpipa’ gamtatzia tawh kibang hi.

Zefaniah 3:17

Topa na Pasian un note hong ompih a, ama vangliatna in hong gualzosak hi. Note tungah Topa lungkim ding a, ama hong itna tawh hong thakbawl ding hi. Note’ hangin Topa lungdamin la sa ding a,

Isaiah 62:5

Bang hang hiam cih leh tangval in nungak khat a tenpih mah bangin nang hong lam pa in nang hong tenpih ding a, zipi pa mothak nu tungah a lungdam mah bangin nang tungah na Pasian lungdam ding hi.

Isaiah 54:5

Bang hang hiam cih leh nangmah hong Bawlpa pen nang a dingin na pasal bang hi ding a, ama min pen Vanglian Topa ahi hi. Israel-te’ Siangtho Pa pen nang hong honkhia pa hi a, amah pen leitung buppi’ Pasian a kici hi.

Solomon la 6:1

Nungak lak a hoihpen nu aw, na ngaihno, koi-ah pai hiam? Na ngaihno koi lam pai hiam? Amah hong zonpih nung.

Solomon la 5:8

Kong thum hi, Jerusalem nungakte aw, ka ngaihno na muh uhleh lungzuangin ka sih dekna na gensak un.

Mattiu 9:15

Jesuh in amaute kiangah, “Mopina pawi khatah, a zineipa a om sungin a mopawi simte dah dingin um na hi uh hiam? Dah het lo ding uh hi. Ahi zongin amaute kiang panin zineipa a kilakkhiat ding hun hong tung ding a, tua hun ciangin amaute in an a tang ding uh hi.

Luka 5:33

Tua ciangin amaute pawlkhat in Jesuh kiangah, “Johan’ nungzuite in an tangin thu ngen zelzel uh a, Farisi mite’ nungzuite zong tua bangmahin gamta napi-in, bang hangin nangma nungzuite in tang loin om se uh ahi hiam?” ci-in a dong uh hi.

Luka 5:35

Amaute kiang panin zineipa a kipaikhiatpih hun hong tung ding a, tua hun ciangin tang ding uh hi,” ci-in a dawng hi.