Luka 5:33 - Tedim Bible

³³ Tua ciangin amaute pawlkhat in Jesuh kiangah, “Johan’ nungzuite in an tangin thu ngen zelzel uh a, Farisi mite’ nungzuite zong tua bangmahin gamta napi-in, bang hangin nangma nungzuite in tang loin om se uh ahi hiam?” ci-in a dong uh hi.

Tedim Bible Revision 2017

³³ Tua ciangin amaute pawl khat in Jesu kiangah, “Johanʼ nungzuite in an tangin thu ngen zelzel uh a, Farisi miteʼ nungzuite zong tua bangmahin gamta napi-in, bang hangin nangma nungzuite in tang loin om se uh ahi hiam?” ci-in a dong uh hi.

Luka 5:33 Referans Kwoze

Luka 20:47

Meigong numeite tungah nuamtaksa-in, khemin a neihsateng uh laksak uh a, mite in mihoih a sak nading uh a deihna-un thu saupipi a ngen uh hi. Amau’ kineihkhemna tawh kizui-in a gimthuak ding uh lianzaw ding hi,” a ci hi.

Luka 18:12

Nipikal khatin ni nih sung an ka tang a, ka ngah khempeuh sung panin sawm-ah-khat nang tungah kong pia hi,’ a ci hi.

Sawltak 9:11

Tua ciangin Topa in Ananias kiangah, “Kithawi-in Kongzing Tang gei-a Judas inn-ah va pai inla, Tarsas khuami Saul min nei mi khat va kan in. Tua Saul in thu ngen a,

Johan 3:25

Tua laitakin biakna vai-in kisian’ suahna tawh kizomin Johan’ nungzuite le Jew mi pawlkhat thu kiseel uh hi.

Johan 1:35

A zing ciangin Johan le a nungzuite nih ding khawmin a om laitakin,

Luka 11:1

Khat vei, Jesuh in mun khatah thu a ngen hi. A thunget a mankhit ciangin a nungzuite khat in, “Topa aw, Johan in a nungzuite a hilh bangin kote zong thungetzia hong hilh in,” a ci hi.

Marka 12:40

Meigong numeite tungah nuamtaksa-in a neihsate laksakin zangmang uh a, mite in mihoih a saktheih nading uh a deihna hangun thu saupipi a ngen uh hi. Amau’ kineihkhemna tawh kizui-in a gimthuak ding uh lianzaw ding hi,” a ci hi.

Mattiu 23:13

“Mihoih a kineihkhem, no Thukham hilh siate le Farisi mite in gimna na thuak ding uh hi. Note in vantung ki-ukna sungah mite a lut theih loh nadingin kong na khakcip uh hi. Note lah na lutnuam kei uh a, a lutnuamte lah na lutsak kei uh hi.

Zekhariah 7:6

A annek a tuidawnte uh zong, amau’ duh man bek ahi hi,” hong ci hi.

Isaiah 1:15

“Thungenin na khutte uh nong zaak uh ciangin note kong en kei ding a, thu tampi na nget uh hangin ke’n ka ngai tuan kei ding hi. Bang hang hiam cih leh sisan tawh note’ khut kidim hi.

Paunak 28:9

Mi khat in thukham a zuihnop kei leh ama thungetna nangawn Pasian in zakthadahhuai sa hi.

Luka 2:37

kum sawmgiat le kum li sung meigongin a om ahi hi. Amah pen biakna a nusia ngei lo mi khat hi a, a sun a zanin Pasian bia-in an tangin thu a ngenngen mi khat ahi hi.

Luka 5:32

Mite in a zahtak mihoihte a kisik nadingun a sam dingin hong pai ka hi kei a, mite in a pampaih mite a kisik nadingun a sam dingin a hong pai ka hi hi,” ci-in a dawng hi.

Luka 5:34

Jesuh in amaute kiangah, “Mopawi-ah zineipa le pawisimte a omkhawm laitakin a pawisimte an tangsak thei ding na hi uh hiam?