Luka 5:32 - Tedim Bible

³² Mite in a zahtak mihoihte a kisik nadingun a sam dingin hong pai ka hi kei a, mite in a pampaih mite a kisik nadingun a sam dingin a hong pai ka hi hi,” ci-in a dawng hi.

Tedim Bible Revision 2017

³² Mihoihte a kisik nadingun a sam dingin hong pai ka hi kei a, mite in a pampaih mite a kisik nadingun a sam dingin a hong pai ka hi hi,” ci-in a dawng hi.

Luka 5:32 Referans Kwoze

Luka 19:10

Bang hang hiam cih leh a mangthangte a zong ding le a honkhia dingin Mihing Tapa a hong pai ahi hi,” a ci hi.

Luka 15:10

Tua mah bangin mawhnei mi khat a kisikkikna hangin Pasian’ vantung mite lungdam mahmah uh hi,” a ci hi.

Luka 15:7

Tua mah bangin kisikkik ding a kisam lo mihoih sawmkua le kuate tungah lungdamna sangin mawhnei mi khat a kisikna hangin vantungah lungdamna lianzaw ding hi,” a ci hi.

Sawltak 3:19

Tua ahih ciangin na mawhnate uh hong sawpsiangsak theih nading, Topa kiang panin a hong pai lungsim nopna hun na ngah theih nading uh le note a dingin a sehsa Jesuh Khrih a hong sawltheih nadingin na mawhna uh kisik unla, Pasian kiang zuan un.

Luka 24:47

Jerusalem khua a kipan minam khempeuh tungah a mawhna uh kisikin a kimaisak nading thu, ama min tawh kihilh ding hi, ci-in kigelh hi.

Sawltak 17:30

Pasian in mihingte’ theih loh hun lai-a a gamtatnate uh phamawh a sak loh hangin, tu-in mun khempeuha om mi khempeuhte a gamtat siatna panun a kihei nadingun thu a hong pia khinzo hi.

2 PETER NIHNA 3:9

Mi pawlkhatte’ ngaihsut bangin Topa in a kamciamna a hong tungsak hak hi zenzen lo hi. Note khat beek in siatna na thuakkhak ding uh deih loin na vekpi-un na kisik ding uh deih ahih manin hong pai nai lohna pen note hong khualna hizaw hi.

Sawltak 2:38

Tua ciangin Peter in amaute kiangah, “Na mawhna uh kisik unla, na mawhna uh hong kimaisak theih nadingin Jesuh Khrih min tawh tui kiphum ciat un. Tua hileh Pasian’ piakkhong Kha Siangtho na ngah ding uh hi.

Sawltak 20:21

Jew mi le Gentail mite a mawhna panun Pasian’ lamah kihei-in i Topa Jesuh a up nadingun thu ka gen khinzo hi.

Sawltak 3:26

Eite khempeuh i gitlohna panin kikheelin thupha a hong piaktheih nadingin Pasian in a Nasem dingin Jesuh teelin, eite kiangah a hong sawl masa ahi hi,” ci-in thu a gen hi.

Mattiu 18:10

“Hih naupangnote khatpeuh na simmawhkhak loh nadingun kidawm un. Note kiangah kong genin-ah: Amaute a kem vantung mite pen vantungah ka Pa kiangah om tawntung uh hi.

Sawltak 5:31

Israel mite kisik kikin Pasian in a mawhna uh a maisak theih nadingin Ukpi le Honpa-in tua Jesuh bawlin ama taklamah a tusak hi.

Marka 15:10

Bang hang hiam cih leh siampite in Jesuh a hazatna hangin hih bangin ama kiangah a paipihna thu teltakin a thei hi.

Isaiah 57:15

Bang hang hiam cih leh a sang, a lian, a nungta tawntung Pa, ama min Siangtho ahipa in hih bangin ci hi: “Kei pen a sangna mun le a siangtho munah ka om a, a kiniamkhiat mite’ lungsim le a kisik mite’ lungsim a thakhauhsakkik dingin kisikna le kiniamkhiatna lungsim a neite tawh zong kei ka omkhawm hi.

Marka 15:7

Kumpi a lehdo laitakun mi a that, thong sunga kikhumte lakah Barabbas a kici mi khat zong kihel hi.

Mattiu 9:13

Lai Siangtho sungah, ‘Ganhing tawh biak ding ka deih kei a, migitna ka deihzaw hi,’ ci-in a genna pen bang a cihnopna ahi hiam, va kan un. Mite in a zahtak mihoihte a sam dingin a hong pai ka hi kei a, mite in a pampaih mite a sam dingin a hong pai ka hi hi,” a ci hi.

Marka 2:17

Jesuh in hih thu a zak ciangin amaute kiangah, “Cidamte in siavuan kisam lo uh a, cina mite bek in kisam uh hi. Mite in a zahtak mihoihte a kisik nadingun a sam dingin a hong pai ka hi kei a, mite in a pampaih mite a kisik nadingun a sam dingin a hong pai ka hi hi,” a ci hi.

Luka 5:31

Tua ciangin Jesuh in, “Cidamte in siavuan kisam lo uh a, cina mite bek in kisam uh hi.

Luka 5:33

Tua ciangin amaute pawlkhat in Jesuh kiangah, “Johan’ nungzuite in an tangin thu ngen zelzel uh a, Farisi mite’ nungzuite zong tua bangmahin gamta napi-in, bang hangin nangma nungzuite in tang loin om se uh ahi hiam?” ci-in a dong uh hi.