Luka 5:30 - Tedim Bible

³⁰ Farisi mite le amau sung panin Thukham hilh siate, nungzuite tungah phun uh a, “Bang hangin siahdongte le thukham khial mite tawh an nekhawm na hi uh hiam?” a ci uh hi.

Tedim Bible Revision 2017

³⁰ Amaute sung panin Farisi mite le Thukham hilh siate pawl khat nungzuite tungah phun uh a, “Bang hangin siahdongte le mawhneite tawh an nekhawm tui dawn khawm na hi uh hiam?” ci-in a dong uh hi.

Luka 5:30 Referans Kwoze

Sawltak 23:9

Amau’ kitotna awging hupha semsem a, Farisi mite pawlsung a om Thukham hilh siate pawlkhat hong dingin nakpitakin hong pau uh a, “Hih mipa tungah khialhna themkhat zong om lo hi. Vantung mi ahi a, Pasian’ sawl khat peuhpeuh in ahi zongin ama tungah thu a gen hi khathei ding hi,” a ci uh hi.

Luka 19:7

Hih thu a thei mi khempeuh phun uh a, “Mimawh pa’ inn-ah a giak dingin Jesuh a pai hi,” a ci uh hi.

Luka 5:21

Tua ciangin Thukham hilh siate le Farisi mite in a lungsim sung uhah, “Hih bangin Pasian tawh a kikimin a pau ngam mipa kua ahi hiam? Mihing kuamah in mawhna maisak thei lo a, Pasian bek in maisak thei hi,” a ci uh hi.

Luka 5:17

Khatvei, Jesuh in thu hilhin a om laitakin Galilee gam, Judea gam, le Jerusalem khua panin a hong pai Farisi mi pawlkhat le Thukham hilh siate pawlkhat hong om hi. Cina damsak theih nading Topa’ vangliatna, Jesuh tungah kipia hi.

Marka 7:3

(Farisi mite le Jew mite khempeuh in khanglui ngeina zui-in khut silloin an ne lo uh hi.

Isaiah 65:5

“Note kiang panin kote hong kituamkoih ahih manin kihemkhia unla, ko kiangah hong pai kei un,” ci-in midangte tungah a gen mite - hih bang mite khempeuh a sang dingin a beisa hun sungah ka kiging tawntung hi. Hih bang mite ka thuakzo nawn kei hi. Amaute tungah ka hehna pen a mit ngei lo meikuang tawh kibang hi.

Luka 18:11

Farisi mipa dingin thu ngen a, ‘Pasian aw, kei pen midangte bangin a huaiham, a thuman lo, numei tungah a mawh mi ka hi kei hi; hua lai-a siahdongpa bang hi lo ka hih manin nangma tungah ka nuamna kong pulak hi.

Luka 7:39

Jesuh a sam Farisi mipa in a muh ciangin a lungsim sungah, “Hih pa pen kamsang taktak hileh amah a lawng hih numeinu a bangci mi ahi hiam cih thei ding a, ama gamtat hoih lohna teng zong thei ding hi,” a ci hi.

Luka 7:34

Mihing Tapa hong pai leuleu a, zune anne-in a om ciangin, ‘Zuhai, anhai pa, siahdongte le midangte in a kikholhpih nop loh mite tawh a kikhawlpa,’ ci leuleu uh hi.

Mattiu 5:46

Tua ahih manin no hong itte bek na it uhleh Pasian in bang thaman hong pia zenzen ding ahi hiam? Siahdongte nangawn in amau a itte it thei uh hi.

Mattiu 9:11

Farisi mite in hih thu a muh uh ciangin Jesuh nungzuite kiangah, “Bang hangin na siapa un siahdongte le thukham khialte tawh an nekhawm ahi hiam?” a ci uh hi.

Marka 2:16

Hih thukham khialte le siahdongte tawh Jesuh in an a nekkhopna Farisi mite sung panin Thukham hilh siate pawlkhat in a muh uh ciangin a nungzuite kiangah, “Bang hangin hih bang mite tawh an nekhawm ahi hiam?” ci-in a dong uh hi.

Marka 9:16

Jesuh in a nungzui dangte kiangah, “Amaute tawh bang thu kisel na hi uh hiam?” ci-in a dong hi.