Luka 5:26 - Tedim Bible

²⁶ Tua ciangin amaute khempeuh in lamdangsa mahmah uh a, lau mahmah kawmin Pasian phatin, “Tuni-in a lamdang mahmah na khat i mu hi,” a ci uh hi.

Tedim Bible Revision 2017

²⁶ Tua ciangin amaute khempeuh in lamdang sa mahmah uh a, lau mahmah kawmin Pasian phatin, “Tu ni-in a lamdang mahmah na khat i mu hi,” a ci uh hi.

Luka 5:26 Referans Kwoze

Mattiu 9:8

Mihonte in hih thu a theih uh ciangin lau mahmah uh a, Pasian in mihingte tungah hih bang vangliatna a piakna hangin ama min a phat uh hi.

Luka 7:16

Amaute khempeuh in lamdangsa mahmah uh a, Pasian min phatin, “Eite lakah kamsang lian khat hong om khinta a, a mite a honkhia dingin Pasian hong pai khinta hi,” a ci uh hi.

Sawltak 4:21

Ahi zongin uliante in a khauhzaw-in thu a gen khit uh ciangin a khah uh hi. Hih thupiang hangin mi khempeuh in Pasian phat uh ahih manin hih mite gim a piak nading uh a thu mu thei lo uh hi.

Luka 8:37

Tua ciangin Gadara gam kiima om khempeuh lau mahmah uh ahih manin Jesuh a paikhiat nadingin a sawl uh hi. Jesuh zong gunkuang tungah tuangin a ciah hi.

Luka 5:8

Simon Peter in hih thu a muh ciangin Jesuh’ mai-ah khukdin a, “Topa aw, kei mawhnei mi ka hih manin ka kiang panin paikhia in,” a ci hi.

Marka 2:12

Tua mipa zong amaute khempeuh’ muhin tho a, a lupna pheek la-in a paikhia pah hi. Amaute khempeuh in lamdangsa mahmah uh a, Pasian phatin, “Hih bang mahmah i mu ngei nai het kei hi,” a ci uh hi.

Mattiu 28:8

Tua ahih manin numeite zong laukawm, nuamkawmin nungzuite kiangah hih thu a ko dingin a taipah uh hi.

Mattiu 12:23

Tua ciangin mi khempeuh in lamdangsa mahmah uh a, “Hih pa, i lametet David’ suan hi lo ding ahi hiam?” a ci uh hi.

Hosea 3:5

Tua khit ciangin Israel mite in Topa amau’ Pasian le a kumpipa uh David lamah hong kiheikik ding uh hi. Tua hun ciangin amaute in Topa zahtakin, ama letsongte a ngah ding uh hi.

Jeremiah 33:9

Jerusalem khuapi pen kei a dingin lungdamna, minphatna, le minthanna ahi hi. A sunga om mite tungah hoihna le hauhna ka tunsakna thu a za minam dangte lau-in a ling ding uh hi.

Galati 1:24

Tua hi a, keima tunga thupiang hangin amaute in Pasian’ min a phat uh hi.

Luka 1:65

A vengte khempeuh in lamdangsa-in lau uh a, Judea mualtung gam sung khempeuhah hih thu a kitheithang hi.