Luka 5:23 - Tedim Bible

²³ ‘Na mawhnate hong kimaisak hi,’ cih ding baihzaw ahi hiam, tua ahih kei leh, ‘Tho inla, lam pai in,’ cih ding baihzaw ahi hiam?

Tedim Bible Revision 2017

²³ ‘Na mawhnate hong kimaisak hi,’ cih ding baih zaw ahi hiam, tua ahih kei leh, ‘Tho inla, lam pai in,’ cih ding baih zaw ahi hiam?

Luka 5:23 Referans Kwoze

Marka 2:9

Hih khutlekhezaw mipa kiangah, ‘Na mawhna hong kimaisak khin hi,’ cih ding le, ‘Tho-in na lupna pheek la inla pai dih in,’ cih ding koi baihzaw ahi hiam?

Mattiu 9:5

‘Na mawhna hong kimaisak hi,’ cih ding le, ‘Tho inla pai in,’ cih ding koi baihzaw ahi hiam? Kampau lel pen baih mahmah hi.

Mattiu 9:2

Mi pawlkhat in khutlekhezaw mi khat, a lupna pheek tawh hong pua-in Jesuh kiang a hong tunpih uh hi. Jesuh in amaute’ upna a muh ciangin a cina mipa kiangah, “Ka ta aw, na lungsim kinuamsak in; na mawhna hong kimaisak khinta hi,” a ci hi.

Luka 5:22

Jesuh in amaute’ ngaihsutna thei ahih manin amaute kiangah, “Bang hangin tua bangin ngaihsun na hi uh hiam?

Luka 5:24

Mihing Tapa in mawhna maisak theih nading leitungah vangliatna nei hi, ci-in na theih nadingun kong lak ding hi,” a ci hi. Tua ahih ciangin khutlekhezaw mipa kiangah, “Tho inla na lupna pheek pua-in na inn-ah ciah in,” a ci hi.

Luka 7:48

Tua ciangin Jesuh in numei kiangah, “Na mawhnate hong kimaisak khin hi,” a ci hi.