Luka 5:21 - Tedim Bible

²¹ Tua ciangin Thukham hilh siate le Farisi mite in a lungsim sung uhah, “Hih bangin Pasian tawh a kikimin a pau ngam mipa kua ahi hiam? Mihing kuamah in mawhna maisak thei lo a, Pasian bek in maisak thei hi,” a ci uh hi.

Tedim Bible Revision 2017

²¹ Tua ciangin Thukham hilh siate le Farisi mite in a lungsim sung uh ah, “Hih bangin Pasian tawh a kikimin a pau ngam mipa kua ahi hiam? Mihing kuamah in mawhna maisak thei lo a, Pasian bek in maisak thei hi,” a ci uh hi.

Luka 5:21 Referans Kwoze

Isaiah 43:25

Na thupalsatnate hong paihkhiatsak pa pen keimah ka hi a, kei ka hih manin na khialhnate ka ciamteh kei ding hi.

Johan 10:33

mihonte in, “Nasep hoih na sep manin hong dengnuam ka hi kei uh a, Pasian na simmawhbawl manin hong dengnuam ka hi uh hi. Nang pen mi hi lel hinapi-in Pasian na kineihnuam hi,” ci-in a dawng uh hi.

Luka 7:49

Tua ciangin Jesuh tawh sabuai-ah an a nekhawm midangte in a lungsim sung uhah, “Mawhna nangawn a maisak hih mipa kua ahi hiam?” a ci uh hi.

Mattiu 26:65

Tua ciangin siampi lianpen pa in a puan balkek a, “Pasian’ tungah a paukhial zo hi. Bang thudang kisam nawn ahi hiam? A paukhialhna na za uh hi.

Late 32:5

Keima khialhnate nangma tungah kong pulak a, ka mawhna ka im kei hi. “Ka khialhnate khempeuh Topa’ tungah ka pulak ding hi,” ka ci hi. Tua ciangin ka mawhna nin nong maisak hi.

Siampi Laibu 24:16

Topa’ min a gensia mipa kithat ding hi. Mihonte khempeuh in amah denglum ding uh hi. Peemta hitaleh tualsung mi hitaleh, Min Siangtho a gensiate kithat ding hi.

ROM (Romans) 8:33

Pasian in mawh lo hi, ci-in a gen khitsa ahih manin, Pasian’ teelsa mite tungah kua in mawhna guanthei nawn ding ahi hiam?

Daniel 9:19

Topa aw, kong thungetna uh hong za inla, ka mawhna uh hong maisak in. Topa aw, hong ngai inla hong sem in! Mi khempeuh in Pasian na hihlam a hong theih nadingun hong zekai kei in. Hih khuapi le hih mite na neihsa ahi hi,” ka ci hi.

Daniel 9:9

Nang pen hehpihna tawh kidimin mawhna na maisak a, ahih hangin kote in nang ka hong langpan’ uh hi.

Isaiah 44:22

Na thupalsatnate meiipi bangin na khialhnate meiilum bangin ka phiatkhia khinzo hi. Hong honkhia khin ka hih manin kei kiangah hong ciahkik in.

Isaiah 1:18

Topa in hih bangin ci hi: “Tu-in hong pai unla, thu kikumkhawm ni. Na mawhnate uh puansan a bat hangin vuk bangin hong ngo ding hi. Na mawhnate uh si bangin a san hangin tuumul bangin hong kang ding hi.

Late 130:4

Ahih hangin nangmah hong kizahtak theih nadingin nangmah in mawhna na maisak hi.

Late 103:3

Amah in ka mawhna khempeuh hong maisak a, ka natna khempeuh hong damsak hi.

Luka 5:17

Khatvei, Jesuh in thu hilhin a om laitakin Galilee gam, Judea gam, le Jerusalem khua panin a hong pai Farisi mi pawlkhat le Thukham hilh siate pawlkhat hong om hi. Cina damsak theih nading Topa’ vangliatna, Jesuh tungah kipia hi.

Mattiu 9:3

Tua ciangin Thukham hilh siate pawlkhat in a lungsim uhah, “Pasian tawh a kikim bangin kampau ahih manin hih mipa in Pasian a dem ahi hi,” ci-in a ngaihsun uh hi.

Micah 7:19

Kote nong khasiat kik ding a, ka mawhnate uh hong sawpkhiat sakin, tuipi taw-ah nong paihsak ding hi.

Late 35:5

Topa’ vantungmi’ hawlna tawh huih letkhiat ansite tawh amaute kibangsak in.

Luka 3:8

Na kisikna uh a kilat nadingin gamta un. Note khatlekhat in, ‘Abraham’ suante ihi ngawn hi,’ mawkcih kei un. Ke’n kong cihin-ah, Pasian in hih suangte nangawn Abraham’ suanlekhakte-in bawl thei lel hi.

Luka 5:22

Jesuh in amaute’ ngaihsutna thei ahih manin amaute kiangah, “Bang hangin tua bangin ngaihsun na hi uh hiam?