Luka 5:20 - Tedim Bible

²⁰ Jesuh in amaute’ upna a muh ciangin a mipa kiangah, “Lawm aw, na mawhnate hong kimaisak khinta hi,” a ci hi.

Tedim Bible Revision 2017

²⁰ Jesu in amauteʼ upna a muh ciangin a mipa kiangah, “Lawm aw, na mawhnate hong kimaisak khinta hi,” a ci hi.

Luka 5:20 Referans Kwoze

Sawltak 14:9

Amah in Paul’ thuhilhte limtakin a ngai hi. Tua mipa in damna a ngahzawh nading zahin upna nei hi, ci-in Paul in a muh ciangin limtakin amah en a,

Mattiu 9:2

Mi pawlkhat in khutlekhezaw mi khat, a lupna pheek tawh hong pua-in Jesuh kiang a hong tunpih uh hi. Jesuh in amaute’ upna a muh ciangin a cina mipa kiangah, “Ka ta aw, na lungsim kinuamsak in; na mawhna hong kimaisak khinta hi,” a ci hi.

Luka 7:48

Tua ciangin Jesuh in numei kiangah, “Na mawhnate hong kimaisak khin hi,” a ci hi.

Kolose 3:13

Note lakah khatlekhat a kilungkim lo na om uh ciangin khatlekhat na mawhna uh kimaisakin na kihuh ciat un. Topa in note’ mawhna hong maisak bangin note zong khatlekhat na mawhna uh na kimaisak ding uh hi.

Johan 2:25

Amah in mite’ lungsimtawng dong thei ahih manin mite a bangci mi ahi hiam cih thu midangte in ama kiangah a gen ding kisam lo hi.

Marka 2:5

Jesuh in hih mite’ up mahmahna thu a muh ciangin khutlekhezaw mipa kiangah, “Ka ta aw, na mawhnate hong kimaisak hi,” a ci hi.

Jeim 2:18

Ahi zongin mi khatpeuh in, “Mi khat in upna nei a, adang khat in gamtatna nei hi,” ci zenzen leh, gamtatna in a zui lo upna hong lak dih in; keimah in ahihleh ka upna ka gamtatna tawh ka hong lak ding hi, ka ci ding hi.

2 KORIN NIHNA 2:10

Note in mawhna na maisak uh ciangin kei zong a maisak ka hi hi. Mawhna maisak ding om ahihleh zong, mawhna ka maisak ciangin Khrih hang le note’ phattuam nadingin a maisak ka hi hi.

Isaiah 38:17

Gimna lianpi ka thuakna pen keima lungnopna hong suak ding hi. Lauhuaina khempeuh panin kei nong honkhia a, ka mawhna khempeuh na hong maisak hi.

Sawltak 11:23

Barnabas a tun ciangin Pasian in amaute thupha a piakna mu-in lungdam mahmah a, amaute citakin a lungsim khempeuh uh tawh Topa tungah a thuman nadingun a hanthawn hi.

Johan 5:14

Tua khit ciangin Jesuh in biakinn sungah tua cina dam pa mukik a, ama kiangah, “Tu-in na dam khinta hi. Mawhna bawl nawn kei in. Tua hikeileh a siazaw khat na thuak ding hi,” a ci hi.

Piancilna 22:12

Amah in, “Tangvalpa su kei in. Ama tungah bangmah hih kei in. Bang hang hiam cih leh nang in Pasian na zahtakna tu-in ka thei a, na tapa khat neihsun keima a dingin na humcip lohna ka mu hi,” a ci hi.

Mattiu 9:5

‘Na mawhna hong kimaisak hi,’ cih ding le, ‘Tho inla pai in,’ cih ding koi baihzaw ahi hiam? Kampau lel pen baih mahmah hi.