Luka 5:13 - Tedim Bible

¹³ Jesuh in zong a khut zanin amah lawng a, “Kong damsak nuam hi; dam ta in,” ci-in a dawng hi. Tua khit phetin a phaknatna a dampah hi.

Tedim Bible Revision 2017

¹³ Jesu in zong a khut zanin amah lawng a, “Kong damsak nuam hi; dam ta in,” ci-in a dawng hi. Tua khit phetin a phak natna a dam pah hi.

Luka 5:13 Referans Kwoze

Hosea 14:4

Tua ciangin Topa in, “Ka mite tungah heh nawn lo ka hih manin ka kiangah ka mite ka samkik ding a, lungsim takpi tawh amaute ka it ding hi.

Ezekiel 36:29

Note hong ninsak thei ding na khempeuh panin kong hu ding hi. An tampi ka piangsak ding a, gilkial na thuakkha nawn kei ding uh hi.

2 KUMPI NIHNATE 5:14

Tua ahih ciangin Pasian mipa’ kamgen bangin amah paisukin Jordan gun sungah sagihvei kidiah hi. Tua ciangin a cilesa naupangno cilesa bangin a ngei bangkikin amah a siang hi.

Luka 4:39

Jesuh zong pai-in a lupna gei-ah ding a, a cinatna a taii ciangin a nattutna dampah a, amah zong thozo pahin a zinte a dozo pah hi.

Late 33:9

Bang hang hiam cih leh amah pau a, leitung hong piang hi; amah in thu pia a, na khempeuh hong om hi.

2 KUMPI NIHNATE 5:10

Tua ciangin Elisha in ama kiangah kamtai khat sawlin, “Pai in la, Jordan gun sungah sagihvei va kisil in. Tua ciangin nangma cilesa a ngei hong bangkikin, nang na siang ding hi,” cisak hi.

Piancilna 1:9

Pasian in, “Vantungte nuai-a om tuite mun khatah kikhawm hen la, lei keu kidawk hen,” ci hi. Tua mah bangin a piang pah hi.

Piancilna 1:3

Pasian in, “Khuavak om hen,” ci hi; tua ciangin khuavak om pah hi.

Mattiu 8:3

Jesuh in zong a khut zanin tua mipa lawng a, “Ka hong damsaknuam hi; dam ta in,” a cih khit phetin a phakna a dampah hi.

Luka 5:12

Khatvei, khuasung khatah Jesuh a om laitakin tua khua sungah a pumtangin phaknatna a vei mi khat a om hi. A phakpa in Jesuh a muh ciangin a mai-ah bokin, “Topa aw, hong damsak nuam peuh lecin kei nong damsak thei ding hi,” ci-in a thum hi.

Luka 5:14

Tua ciangin Jesuh in ama kiangah, “Hih thu kuamah dang kiangah gen kei in. Siampipa kiangah paisuakpah inla kivelsak in. Tua ciangin na damna thu a kilat nadingin Moses thupiak mah bangin biakna pia in,” ci-in thu a pia hi.