Luka 4:9 - Tedim Bible

⁹ Tua ciangin Dawimangpa in gamlak panin Jerusalem khua-ah Jesuh paipih a, biakinn khumzang a sangpenna munah a kahtohpih khit ciangin, “Pasian’ Tapa taktak na hih leh hih lai panin tuaksuk in.

Tedim Bible Revision 2017

⁹ Tua ciangin Dawimangpa in gamlak panin Jerusalem khua ah Jesu paipih a, biakinn khumzang a sang penna munah a kah tohpih khit ciangin, “Pasianʼ Tapa taktak na hih leh hih lai panin tuak suk in.

Luka 4:9 Referans Kwoze

Luka 4:3

Dawimangpa in Jesuh kiangah, “Pasian’ Tapa na hih takpi leh hih suang anlum suaksak in,” a ci hi.

ROM (Romans) 1:4

Kha Siangtho thu lamsangah ci lehang misite lak panin vangliatna tawh a thawhsakkikna hangin Pasian’ Tapa ahihna thu Pasian in a kilangsak hi.

Mattiu 8:29

Amaute nakpitakin hong kiko uh a, “Pasian’ Tapa aw, kote bang hong nuammawh na hi hiam? A hun tung nai lopi-in kote gim a pia dingin hong pai na hi hiam?” a ci uh hi.

JOB (Job) 2:6

Tua ciangin Topa in Satan kiangah, “En in, na khut sungah amah kong ap hi; ahi zongin amah sisak kei in,” a ci hi.

2 KHANG TANGTHU NIHNATE 3:4

Inn mai-a innliim pen inn vai tawh kikimin pi sawmthum sau a, a sanna zong pi sawmthum mah ahi hi.

Luka 4:10

Bang hang hiam cih leh Lai Siangtho in, ‘Pasian in nang a hong kem dingin a vantung mite hong sawl ding hi,’ ci-in a gen banah,