Luka 4:7 - Tedim Bible

⁷ Keima mai-ah kunin hong bia lecin hihte khempeuh nangma a’ hi ding hi,” a cih ciangin

Tedim Bible Revision 2017

⁷ Keima mai ah kunin hong bia lecin hihte khempeuh nangma aʼ hi ding hi,” a cih ciangin

Luka 4:7 Referans Kwoze

Luka 8:28

Jesuh a muh ciangin nakpitakin awngin a mai-ah khukdin a, “A Lian Pasian’ Tapa Jesuh aw, kei bang hong nuammawh na hi hiam? Kei, gim nong piak loh nadingin ka hong thum hi,” ci-in nakpitakin a kiko hi.

Mangmuhna 22:8

Keimah Johan in hih thute za-in ka muh ahi hi. Hih thute za-in ka muh ciangin hih thute kei tungah a hong lak vantungmi a bia dingin a khe phungah ka boksuk hi.

Mangmuhna 5:8

Tua laizial a lak khit ciangin ganhing lite le upa sawmnih le lite, Topa’ mai-ah a kun uh hi. Amaute in harp lasakna khat ciat le Pasian’ mi siangthote in thungetna-in a zat uh paknamtui a dimin a om paknamtui beel khat ciat a tawi uh hi.

Mangmuhna 4:10

nungta tawntungin tokhom tungah a tupa mai-ah tua upa sawmnih le lite zong bokin amah bia uh a, tua tokhom mai-ah a lukhute uh lawnin la sa uh a,

Luka 17:16

Tua ciangin Jesuh’ khe mai-ah bokin a lungdamna a ko hi. Hih mipa pen Samaria mi ahi hi.

Mattiu 2:11

Inn sungah amaute lut uh a, naungek le a nu Mary a mu uh hi. Amaute khukdinin tua naungek a biak khit uh ciangin a vanpuakte uh suahkhia uh a, kham, saledi paknamtui, le myrrh paknamtuite, letsongin a pia uh hi.

Isaiah 46:6

Sumbawm panin khamte uang zatin tawitehna tawh ngunte a tehkhiate in kham seekpa cial uh a, amah in tua nate pen pasian-in a seeksak hi. Tua ciangin amaute kunin tua milim a bia uh hi.

Isaiah 45:14

Topa in Israel tungah, “Egypt’ hauhna le Ethiopia sumbuk vante le a tun a sang Seba mite nangma kiangah hong pai-in nangma a’ hong hi ding uh a, amaute in nang hong zui ding uh hi. Amaute sikkhau kibulhsa-in hong pai ding uh a, nangma kiangah hong kun ding uh hi. Amaute in nangma kiangah thumna hong bawl ding uh a, ‘Nangmah bek tawh Pasian omkhawm a, kuamah dang om loin, amah simloh pasian dang om lo hi,’ hong ci ding uh hi.

Late 72:11

Kumpi khempeuh ama mai-ah bok uh hen la, minam khempeuh in ama na sem ta uh hen.

Luka 4:6

“Hihte khempeuh keima tungah hong kipia khin ahih manin, ka piaknop peuhpeuh tungah ka pia thei hi. Hih vangliatna le hauhnate khempeuh nangma tungah kong pia ding hi.

Luka 4:8

Jesuh in, “Lai Siangtho in, ‘Topa Pasian na bia inla, ama na bek sem in,’ ci hi lo ahi hiam?” ci-in a dawng hi.