Luka 4:6 - Tedim Bible

⁶ “Hihte khempeuh keima tungah hong kipia khin ahih manin, ka piaknop peuhpeuh tungah ka pia thei hi. Hih vangliatna le hauhnate khempeuh nangma tungah kong pia ding hi.

Tedim Bible Revision 2017

⁶ “Hihte khempeuh keima tungah hong kipia khin ahih manin, ka piak nop peuhpeuh tungah ka pia thei hi. Hih vangliatna le hauhnate khempeuh nangma tungah kong pia ding hi.

Luka 4:6 Referans Kwoze

Efesa 2:2

Tuahun lai-in leitung gitloh gamtatnate na zui uh a, Pasian thu a um lo mite sungah tu laitakin na a sem, huihlak a ukte’ thu na mang uh hi.

Johan 14:30

Tu-in hih leitung a ukpa hong tungta ahih manin note kiangah thu kong gen man nawn kei ding hi. Amah in keima tungah aana nei lo hi.

Johan 12:31

Tu-in leitung thukhen ding hun hong tungta a, hih leitung a ukpa kilawnkhia ding hi.

1 JOHAN MASA 5:19

Leitung midang khempeuh Dawimangpa’ khut sungah a om ahi zongin eite pen Pasian’ mi ihihna thu i thei hi.

Mangmuhna 13:7

Pasian’ mite simin a zawhgawp theih nading zong kiphal hi. Minam tuamtuam, pau nam tuamtuam a zang mite khempeuh tungah uktheih nading aana a kipia hi.

Mangmuhna 13:2

Tua ka muh ganhing pen kamkei tawh kibang a, a khete vom khe tawh kibang a, a kam pen humpinelkai kam tawh a kibang hi. Gulpi in tua ganhing tungah ama vangliatna, ama tokhom, le aana lianpi a pia hi.

Mangmuhna 12:9

Tua ciangin tua tanglai gulpi, Dawimangpa ahih kei leh Satan a kici, leitung mi khempeuh a khem pa pen a vantung mite tawh leitungah kilawnsuk hi.

1 PETER MASA 1:24

Tua ahih manin Lai Siangtho sungah, “Mihingte, lopa tawh kibang a, a minthannate uh lopa pak tawh kibang hi. Lopate vulin paakte pulh a,

2 KORIN NIHNA 11:14

Tua pen lamdangsak ding hi lo hi. Satan nangawn Pasian’ vantungmi tawh a kibangin kibawltawm thei hi.

Johan 8:44

Note pen na pa uh Dawimangpa’ tate na hi uh a, na pa uh deihna bangin a gamta nuam na hi uh hi. A kipat a kipanin na pa uh mi that hi a, thuman gen ngei lo ahih manin thuman tawh kipawl thei lo hi. Amah pen zuauna khempeuh a pianna a zuaugen pa ahih manin zuau a gen ciangin ama ngeina hi lel hi.

Isaiah 23:9

A Vanglian Topa’ vaihawm ahi hi. Miliante’ kiphatsaknate a beisakna ding le a kipahtawi uliante a niamkhiat nadingin a bawl ahi hi.

Isaiah 5:14

Tua ahih ciangin Leinuai in a duhna khangsakin bangmah tawh a kiteh thei lo zahin a kam ka beba a, Jerusalem’ hoihna teng, a mipite, a mihonte, ama sunga a lungdam mite, a nawmvalh hi.

Esther 5:11

ama hauhna teng, a tapa neih teng, kumpipa in amah a pahtak manin a za a khansakna teng, le kumpipa’ nasemte le ulian dangte khempeuh sangin a lianzaw-in amah a koihna thute khempeuh amaute tungah genin a lak hi.

Luka 4:7

Keima mai-ah kunin hong bia lecin hihte khempeuh nangma a’ hi ding hi,” a cih ciangin