Luka 4:43 - Tedim Bible

⁴³ Ahi zongin amah in, “Pasian’ Ukna hangin Lungdamna Thu a hilh ding mahin a hong kisawl ahih manin khua dangte-ah zong ka va hilh ding hi,” a ci hi.

Tedim Bible Revision 2017

⁴³ Ahi zongin amah in, “Pasianʼ Ukna hangin Lungdamna Thu a hilh ding a hong kisawl ahih manin khua dangte ah zong ka va hilh ding hi,” a ci hi.

Luka 4:43 Referans Kwoze

2 TIMOTI NIHNA 4:2

hunhoih hunsia cih khen tuan loin Pasian’ thu hilh ding na kin ngaihsut nading, lungduaina tawh mite’ lungsim zo-in, mite taii-in, hanthawnin na hilh nadingin thu a hong pia ka hi hi.

Johan 9:4

Sun khuavak laiteng kei hong sawl pa’ na i sem ding hi. Kuamah in na a sep theih loh zan hun zong hong tung ding hi.

Sawltak 10:38

Nazareth khuami Jesuh tungah Pasian in Kha Siangtho le vangliatna pia a, Pasian in a ompihna hangin tua Jesuh in a paina khempeuhah na hoih semin, Dawimangpa in a gimsak mite khempeuh a damsakna thu zong na thei uh hi.

Johan 20:21

Tua ciangin Jesuh in amaute kiangah, “Note in nopna ngah ta un. Pa in kei a hong sawl bangin note zong ka hong sawl hi,” ci-in a vaikhak leuleu hi.

Isaiah 48:16

Kei kiangah hong nai unla, hih thu hong za un. A kipat cil a kipanin a simthamin thu ka gen ngei kei a, tua thu a pian a kipanin kei ka om hi. (Tu-in Topa Pasian in kei tungah a vangliatna hong pia a, kei hong sawl hi.)

Mattiu 4:23

Galilee gam sung khempeuhah Jesuh pai kawikawi a, amau’ kikhopna innte-ah thu hilhin, vantung ki-ukna hangin lungdamna thute hilh a, natna tuamtuam a nei cina khempeuh a damsak hi.

Marka 1:35

A zing ciang phalvak ma-in Jesuh tho-in gamdaihna mun khatah na pai-in thu a ngen hi.