Luka 4:41 - Tedim Bible

⁴¹ Mi tampi sung panin dawite zong taikhia uh a, “Nang pen Pasian’ Tapa na hi hi,” ci-in a kiko uh hi. Amah pen Khrih ahihlam thei uh ahih manin amaute taii-in pausak lo hi.

Tedim Bible Revision 2017

⁴¹ Mi tampi sung panin dawite zong tai khia uh a, “Nang pen Pasianʼ Tapa na hi hi,” ci-in a kiko uh hi. Amah pen Khris ahih lam thei uh ahih manin amaute taii-in pausak lo hi.

Luka 4:41 Referans Kwoze

Marka 1:34

Jesuh in natna namkim a vei mi tampi damsak a, dawi tampi tak zong a hawlkhia hi. Dawite in Jesuh thei uh ahih manin, Jesuh in dawite thu gensak lo hi.

Jeim 2:19

Pasian khat bek om hi, ci-in na um hi. Tua pen hoih mahmah hi. Dawite nangawn in zong tua bangin umin lau-in ling deldel uh hi.

Johan 20:31

Hih laibu sungah a kigelh thute pen Jesuh, Pasian’ Tapa, Khrih ahihna thu na uptheih nading uh le ama min hangin tua upna tawh nuntakna na ngahtheih nading uh deihna tawh a kigelh ahi hi.

Marka 3:11

Tua laitakin mite’ sunga lut dawite in Jesuh a muh uh ciangin a mai-ah pukin kiko uh a, “Nang pen Pasian’ Tapa na hi hi,” a ci uh hi.

Mattiu 4:3

Tua ciangin ama kiangah Dawimangpa hong pai a, “Pasian’ Tapa na hih takpi le hih suangte anlum a suah nadingin thu pia in,” a ci hi.

Mattiu 26:63

Jesuh pau loin a om hi. Tua ciangin siampi lianpen pa in, “Pasian’ Tapa, Khrih na hih leh na hihloh nong gen nadingin a nungta Pasian’ min tawh khauhtakin ka hong sawl hi,” a ci hi.

Mattiu 8:29

Amaute nakpitakin hong kiko uh a, “Pasian’ Tapa aw, kote bang hong nuammawh na hi hiam? A hun tung nai lopi-in kote gim a pia dingin hong pai na hi hiam?” a ci uh hi.

Marka 1:25

Jesuh in, “Pau kei in; hih mipa sung panin paikhia in,” ci-in tua dawi tungah thu a pia hi.

Mattiu 8:4

Tua ciangin Jesuh in ama kiangah, “Hih thupiang kuama kiangah gen masa loin siampipa kiangah va paisuak pahin va kivelsak inla, na damkhitna thu mi khempeuh in a theih nadingin Moses thupiakna tawh kizui-in biakna va pia in,” ci-in a vaikhak hi.

Mattiu 8:16

A nitak ciangin mite in Jesuh kiangah dawivei mi tampi tak hong paipih uh hi. Jesuh in kam khat pauna bek tawh dawite hawlkhia-in cina khempeuh a damsak hi.

Marka 1:32

Tua nitak lam, ni a tum khit ciangin mite in Jesuh kiangah cina khempeuh le dawivei khempeuh a hong paipih uh hi.

Luka 4:39

Jesuh zong pai-in a lupna gei-ah ding a, a cinatna a taii ciangin a nattutna dampah a, amah zong thozo pahin a zinte a dozo pah hi.