Luka 4:23 - Tedim Bible

²³ Tua ciangin Jesuh in amaute kiangah, “Paunak khatah, ‘Zato pa aw, nangmah kidamsak tawm in,’ a cihna thu kei tungah nong cihnop ding uh ka thei hi. ‘Kapernaum khua-ah na bawl thu ka zakte uh zong hih lai na khua-ah hong bawl in,’ zong nong cinuam ding uh hi,” a ci hi.

Tedim Bible Revision 2017

²³ Tua ciangin Jesu in amaute kiangah, “Paunak khat ah, ‘Zato pa aw, nangmah kidamsak tawm in,’ a cihna thu kei tungah nong cih nop ding uh ka thei hi. ‘Kapernaum khua ah na bawl thu ka zakte uh zong hih lai na khua ah hong bawl in,’ zong nong ci nuam ding uh hi,” a ci hi.

Luka 4:23 Referans Kwoze

Marka 6:1

Tua lai panin ama pianna khua Nazareth-ah Jesuh pai a, a nungzuite in a zui uh hi.

Mattiu 4:13

Galilee gam Nazareth khua-ah omsuak loin paikhia leuleu a, Zebulun le Naftali gam sung Galilee Tuili gei-a om Kapernaum khua-ah a va teng hi.

2 KORIN NIHNA 5:16

Tua ahih manin kote in mihingte’ ngeina zia tawh kuamah ka en nawn kei uh hi. Khrih mahmah zong mihing lungsim ngaihsutna zia tawh ka et ngei uh hangin tu-in tua bangin ka ngaihsun nawn kei uh hi.

Johan 4:28

Tua ciangin numei in a tuibeel nusia-in khua sungah ciah a, a khuapih mite kiangah,

Luka 6:42

Na mit sunga singluang hong tang nangawn mu lo napi-in, ‘Lawm aw, na mit sunga ninthem tang hong lakkhiatsak ning,’ ci-in na lawmte kiangah bangci gentheih ding na hi hiam? No a kineihkhemte aw, na mit sung uha singluang tang lakhia masa le-uhcin, na lawmte uh mit sunga ninthem tang mu-in na lakhia thei pan ding uh hi.”

Luka 4:16

Tua ciangin ama khanna Nazareth khua-ah Jesuh pai a, Sabbath ni ciangin a paingei bangin kikhopna inn-ah a pai hi. Lai Siangtho a sim dingin amah ding a,

Mattiu 13:54

ama khua-ah pai a, kikhopna inn sungah thu a hilh hi. Ama thugen a za mite in lamdangsa mahmah uh a, “Hih mipa in hih bang pilna koilai panin ngah a, bang hangin hih bang na lamdangte bawlthei ahi hiam?

Mattiu 4:23

Galilee gam sung khempeuhah Jesuh pai kawikawi a, amau’ kikhopna innte-ah thu hilhin, vantung ki-ukna hangin lungdamna thute hilh a, natna tuamtuam a nei cina khempeuh a damsak hi.

Luka 2:39

Amaute in Topa’ Thukham tawh kizui-in hih ding a kisam khempeuh a bawl khit uh ciangin Galilee gam, amau khua Nazareth-ah a ciahkik uh hi.

Luka 2:51

Tua ahih ciangin a nu le a pa zui-in Nazareth khua-ah ciahkik a, amaute’ thu mangin tua lai-ah hoihtakin a om hi. A nu in hih thu khempeuh a lungsim sungah ngaihsunsun hi.

Luka 4:31

Tua ciangin Galilee gam Kapernaum khua-ah paisuk a, Sabbath ni-in thu a hilh hi.

Luka 4:35

Jesuh in tua dawi taii a, “Pau kei inla, ama sung panin paikhia in,” ci-in thu a pia hi. Dawi in a mipa mihon lakah a puksak khit ciangin ama sung panin paikhia a, ahi zongin liamsak lo hi.