Luka 4:22 - Tedim Bible

²² Amaute khempeuh in Jesuh thupi sa mahmah uh a, thugen siam sa mahmah uh ahih manin, “Hih pa, Josef’ tapa hi lel hi lo ahi hiam?” a ci uh hi.

Tedim Bible Revision 2017

²² Amaute khempeuh in Jesu thupi sa mahmah uh a, thugen siam sa mahmah uh ahih manin, “Hih pa, Josefʼ tapa hi lel hi lo ahi hiam?” a ci uh hi.

Luka 4:22 Referans Kwoze

Johan 6:42

“Hih Jesuh pen a nu le a pa i theih hi a, Josef’ tapa hi lel hi lo ahi hiam? Tua hinapi-in bang hangin, ‘Vantung panin ka hong pai,’ cithei peuhmah ahi hiam?” ci-in a kiphunsan uh hi.

Late 45:2

Mihingte lakah nangmah na hoihpen a, thugen na siam a, na kam khum zungzung hi. Tua ahih manin Pasian in nang thupha hong pia tawntung hi.

Paunak 16:21

Lungsim pilte thumuhna tawh kampau uh a, amau’ kam khumna zaknophuai kisa semsem hi.

Titu 2:8

mite’ mawhmat theih loh ding kamhoihte na zang in. Tua hileh i langte in hong gensiat theih nading mu loin a mai uh zum lel ding hi.

Sawltak 6:10

Ahi zongin Kha Siangtho in Stefen tungah pilna guan ahih manin amaute in thusel zo lo uh hi.

Johan 7:46

Palikte in, “Hih mipa’ thugen bangin a gen kuamah om nai lo hi,” a cih uh ciangin

Luka 21:15

Bang hang hiam cih leh tua hun ciangin note’ gen ding thu le pilna kong guan ding a, na galte uh khat beek in note’ thugen hong nialzo loin, zong hong sel zo lo ding uh hi.

Isaiah 50:4

A lunggim mite ka thahatsak theih nadingin Topa Pasian in ka gen ding thu hong hilh khin hi. Ama hong hilhnate a ngai dingin zingsang simin lawpna hong guan hi.

Solomon la 5:16

A kampaute khum zungzung a, a vekin, deih loh ding khat zong om lo hi. Ka ngaihno, hih bang teng hi, Jerusalem nungakte aw.

Paunak 25:11

A kilawm hunin kammal khat paukhiatna pen ngun pek tunga kham pek khat a kisuang tawh kibang hi.

Paunak 10:32

Midikte in a gen ding uh thuhoih thei a, migilote in thusia bekbek gengen uh hi.

Late 45:4

Thumanna a omna ding le thuman a hu dingin na minliatna tawh gualzo-in hong pusuak inla, dipkuathuai hihnate na taklam khut nangmah kihilhsak in.

Luka 2:47

Amah in pilna tawh thu genin a dawnna a za mite khempeuh in lamdangsa mahmah uh hi.

Thuhilh-sia 10:12

Mipilte’ kampauna in pahtawina ngahsak a, mihaite’ kampauna in amau mah siasak hi.

Luka 2:48

A nu le a pa in a muh uh ciangin lamdangsa uh a, a nu in, “Ka ta aw, bang hangin hong hici bawl na hi hiam? Na pa tawh lungkham mahmahin nang ka hong zong uh hi,” a ci hi.

Luka 4:21

Tua ciangin amaute tungah thugen ding kipan a, “Note’ zakin a hong kisim Lai Siangtho thu, tuni-in a hong tung hi,” a ci hi.

Johan 1:45

Nethanel tawh a kituah ciangin Filip in, “Moses in Thukham laibu sungah a gelh mipa, le kamsangte in zong a gelh mipa ka mu khin uh hi. Amah Jesuh hi a, Nazareth khuami Josef’ tapa ahi hi,” a ci hi.