Luka 4:15 - Tedim Bible

¹⁵ Jesuh in amaute’ kikhopna innte-ah thu hilh a, mi khempeuh in amah a phatkim uh hi.

Tedim Bible Revision 2017

¹⁵ Jesu in amauteʼ kikhopna innte ah thu hilh a, mi khempeuh in amah a phatkim uh hi.

Luka 4:15 Referans Kwoze

Mattiu 4:23

Galilee gam sung khempeuhah Jesuh pai kawikawi a, amau’ kikhopna innte-ah thu hilhin, vantung ki-ukna hangin lungdamna thute hilh a, natna tuamtuam a nei cina khempeuh a damsak hi.

Mattiu 9:8

Mihonte in hih thu a theih uh ciangin lau mahmah uh a, Pasian in mihingte tungah hih bang vangliatna a piakna hangin ama min a phat uh hi.

Luka 13:10

Sabbath ni khatin Jesuh in kikhopna inn khat sungah thu hilhin a om hi.

Marka 1:45

Ahih hangin a mipa paikhia-in a paina khempeuhah hih thupiang khempeuh gen belin a nei hi. Hih thu nakgen lua-in kitheithang gawp ahih manin, tua hun a kipanin mite’ theihin khua sungah Jesuh lut thei nawn lo hi. Tua ahih manin gamdaihna munah amah om a, mun khempeuh panin ama kiangah mite a hong pai uh hi.

Marka 1:39

Tua ahih ciangin Galilee gam sung khempeuhah amah zin a, a kikhopna uh innte-ah thu hilhin dawite a hawlkhia hi.

Marka 1:27

Mi khempeuh in lamdangsa uh a, khatlekhat in, “A bangci thu ahi hiam? Bang thuthak hilh tuan ahi hiam? Hih mipa in dawi gilote thupiak nading aana nei a, dawi gilote in ama thu a mang uh hi,” ci-in a kikum uh hi.

Mattiu 13:54

ama khua-ah pai a, kikhopna inn sungah thu a hilh hi. Ama thugen a za mite in lamdangsa mahmah uh a, “Hih mipa in hih bang pilna koilai panin ngah a, bang hangin hih bang na lamdangte bawlthei ahi hiam?

Mattiu 9:35

Tua bangin khuapite le khuaneute-ah Jesuh pai kawikawi a, a kikhopna uh innte-ah thu hilhin, Pasian’ ukna hangin a lungdamhuai thute gen a, natna nam khempeuh a damsak hi.

Isaiah 55:5

Tu-in note in na theih ngei loh uh minam dangte na sam ding uh a, amah in note hong minthangsak zo ahih manin, Topa note’ Pasian, Israel-te’ Siangtho Pa’ hangin note hong thei lo minamte note kiangah hong tai ding uh hi.

Luka 4:16

Tua ciangin ama khanna Nazareth khua-ah Jesuh pai a, Sabbath ni ciangin a paingei bangin kikhopna inn-ah a pai hi. Lai Siangtho a sim dingin amah ding a,