Luka 4:14 - Tedim Bible

¹⁴ Tua ciangin Kha Siangtho vangliatna tawh a kidimin Galilee gamah Jesuh a ciahkik hi. Tua kiima om gam khempeuhah ama thu kizakim hi.

Tedim Bible Revision 2017

¹⁴ Tua ciangin Kha Siangtho vangliatna tawh a kidimin Galilee gamah Jesu a ciahkik hi. Tua kiim a om gam khempeuh ah ama thu kizakim hi.

Luka 4:14 Referans Kwoze

Sawltak 10:37

Johan in tuiphumna thu a hilh khit a kipanin Galilee gam a kipan Judea gam khempeuhah a piang thu lianpite na thei uh hi.

Mattiu 4:12

Jesuh in Johan a kimatna thu a zak ciangin Galilee gam sungah va kihem hi.

Johan 4:43

Tua lai-ah ni nih a taam khit ciangin Galilee gamah a pai hi.

Luka 4:37

Hih Jesuh’ thu tua gam mun khempeuhah a kiza hi.

Marka 1:28

Tua ahih ciangin hih Jesuh’ thu in Galilee gam sung khempeuh thakhatin a zelpak hi.

Marka 1:14

Thong sungah Johan a kikhiat khit ciangin Galilee gam sungah Jesuh hong pai a, Pasian kiang panin hong pai Lungdamna Thuthak gen a,

Mattiu 9:26

Hih thupiang tua gam khempeuhah a kizel hi.

Mattiu 9:31

Ahi zongin amaute paikhia uh a, tua gam sung khempeuhah hih thu a zasak uh hi.

Luka 4:13

Dawimangpa in a hihtheihna khempeuhah Jesuh a ze-et khit ciangin tawlkhat sung a nusia phot hi.