Luka 3:9 - Tedim Bible

⁹ Tu mahmahin sing a bulphuk dingin hei tawh kingimzo hi. Gah hoih a gah lo singkung khempeuh kiphukin meikhuk sungah kikhul ding hi,” a ci hi.

Tedim Bible Revision 2017

⁹ Tu mahmah in sing a bulphuk dingin hei tawh kingim zo hi. Gah hoih a gah lo singkung khempeuh kiphukin meikhuk sungah kikhul ding hi,” a ci hi.

Luka 3:9 Referans Kwoze

Mattiu 7:19

Gah limci a gah lo singkungte kiphukin meikhuk sungah kikhul hi.

Johan 15:6

Kei tawh a kizom lo mite pen leenggui hiang bangin kipaai khia-in keutum hi. Tua bang hiangte meikhuk sungah kilawnin a kangtum hi.

Luka 13:9

Kum kik ciangin hong gah leh a hoih hi pah ding hi. Ahi zongin hong gah kei veve leh i phuk ding hi,’ ci-in a dawng hi,” a ci hi.

Luka 13:7

Tua ahih manin amah in a lokho pa kiangah, ‘A beisa kum thum sung theigah lo dingin ka pai zelzel a, ahi zongin gah lo hi. Tua ahih manin phuk in. Bang hangin lo sung mawk nawngkaisak ding ahi hiam?’ ci hi.

Mattiu 3:10

Tu mahmahin sing a bulphuk dingin hei tawh kingim zo hi. Tua ahih manin gah hoih a gah lo sing khempeuh kiphukin meikhuk sungah kikhul ding hi.

Hebru 12:29

Bang hang hiam cih leh eite’ Pasian pen a kangtum thei meikuang tawh a kibang ahi hi.

Daniel 4:23

Kumpipa in na et laitakin, vantungmi khat vantung panin hong paisuk a, “A singkung phuk inla susia in; ahih hangin lei sungah a bul le a zungte nusia in. A bulah sik le sumngo kual vial inla, gamlak lopate tawh nusiakhawm in. A tungah daitui kia hen la, kum sagih sung ganhingte tawh omkhawm ta hen,” a ci hi.

Daniel 4:14

Amah nakpi-in kiko-in, ‘A singkung phuk inla, a hiangteng sattan in. A tehteng heuhsiang inla, a gahteng thehthang in. A nuai-a ganhingteng le a hiang tunga vasateng hawlkhia in.

Ezekiel 31:18

“Tua singkung pen Egypt kumpipa Faro le ama mite ahi hi. Eden huana singkungte nangawn tua zahin lianin hoih zo lo hi. Ahi zongin, Eden huana singkungte mah bangin, Pasian’ thu a ngaihsun lo, galsung a a site’ omna a zuan dingin, misite’ omna Leinuai a manawh ta ahi hi. Topa Pasian in hih thu ka gen khin hi,” hong ci hi.

Hebru 10:28

Moses Thukham a zui lote pen mi nih le thum in mawh mah hi, ci-in teci a pan’ khit nakleh kihehpih hetloin sihna kithuaksak hi.

Luka 13:6

Tua ciangin Jesuh in amaute kiangah thugentehna khat gen a, “Mi khat in a lolai-ah theikung khat a suansak hi. Theigah a lo dingin a pai ciangin bangmah na gah lo hi.