Luka 3:7 - Tedim Bible

⁷ Ama tuiphum ding utin a hong pai mi tampite kiangah Johan in, “Gul bangin ngian a zang note aw, hong tung ding Pasian’ hehna panin na suahtak theih nading uh kua in hong gen ahi hiam?

Tedim Bible Revision 2017

⁷ Ama tuiphum ding utin a hong pai mi tampite kiangah Johan in, “No, gul bangin ngian a zangte aw, hong tung ding Pasianʼ hehna panin na suahtak theih nading uh kua in hong gen ahi hiam?

Luka 3:7 Referans Kwoze

Mattiu 23:33

Gul a bang mite’ suanlekhak mite aw, hell khuk tun nading thukhenna panin a suakta dingin bangci-in kilamen thei na hi uh hiam?

1 THESALONIKA MASA 1:10

a hong tung ding Pasian’ hehna panin eite a hong honkhia, sihna panin Pasian in a thawhsakkik a Tapa Jesuh, van panin a hong pai ding ngak dingin milim paisanin Pasian’ lamah na kiheina uh thute mi khempeuh in gen belin a nei uh hi.

Mattiu 12:34

Gul bangin ngian a zang note aw, migilo na hih uh ciangin bangci-in thuhoih genthei mah ding na hi uh hiam? Bang hang hiam cih leh lungsim sunga thu om pen kam in a genkhia hi bek hi.

Isaiah 59:5

Na ngaihsutnate uh gul gunei tui bangin gu a nei hi a, na vaihawmnate uh maimom khau puan tawh kibang lel hi. Gul gunei tui khat sukham lehang adang khat hong tui zel hi.

Piancilna 3:15

Nang le numei kikal na suanlekhakte le ama suanlekhakte kikalah kilangneihna ka omsak ding hi. Amah in na lutang hong sunim ding a, nang in ama khetul na sunim ding hi,” a ci hi.

1 JOHAN MASA 3:8

A kipat cil a kipanin Dawimangpa in mawhna bawl tawntung ahih manin mawhna a bawl mi khempeuhte zong Dawimangpa’ mi ahi hi. Hih Dawimangpa’ nasepna a beisak dingin Pasian’ Tapa a hong pai hi.

Hebru 6:18

Tua hi a, a kikheel thei lo thu nih kithuap ahih manin Pasian in zuau gen thei lo ding hi. Tua hi a, amah a beel eite in eite mai-ah hong kikoih lametna thu kiptakin i letcip nadingin i tha hong nuamsak hi.

Sawltak 13:10

“Dawimangpa tawh a kibang mipa aw, thuhoih khempeuh nialin, gitlohna ngian tuamtuam na nei a, Topa’ thuman pen zuau suahsak ding na hanciam tawntung hi.

Johan 8:44

Note pen na pa uh Dawimangpa’ tate na hi uh a, na pa uh deihna bangin a gamta nuam na hi uh hi. A kipat a kipanin na pa uh mi that hi a, thuman gen ngei lo ahih manin thuman tawh kipawl thei lo hi. Amah pen zuauna khempeuh a pianna a zuaugen pa ahih manin zuau a gen ciangin ama ngeina hi lel hi.

Mattiu 3:6

Amaute in a mawhnate uh hong pulak uh a, Johan in Jordan Gun sungah amaute a tuiphum hi.