Luka 3:38 - Tedim Bible

³⁸ Kainan’ pa Enos, Enos’ pa Seth, Seth’ pa Adam, Adam’ pa Pasian ahi hi.

Tedim Bible Revision 2017

³⁸ Kainanʼ pa Enos, Enosʼ pa Seth, Sethʼ pa Adam, Adamʼ pa Pasian ahi hi.

Luka 3:38 Referans Kwoze

Piancilna 2:7

Topa Pasian in leilak pana leivui tawh mihing bawl a, a nak sungah nuntakna hu sang suk hi. Tua mi pen leitung nuntakna a nei mihing hong suak pah hi.

1 KORIN MASA 15:47

A masa Adam pen leitung leivui tawh a kibawl hi a, a nunung Adam pen vantung panin a hong pai ahi hi.

1 KORIN MASA 15:45

Tua ahih manin Lai Siangtho in, “A masa Adam pen leitung nuntakna a nei mihing hong suak hi,” na ci hi. Ahi zongin a nunung Adam pen nuntakna a pia thei Kha ahi hi.

Isaiah 64:8

Ahi zongin Topa aw, nang pen kote’ Pa na hi hi. Kote pen tungman bang hi-in, nang pen beelseek pa bang na hi a, kote khempeuh nangma bawl mite ka hi uh hi.

Piancilna 4:25

Adam in a zi luppih leuleu hi. Amah in tapa khat nei a, a min Seth ci hi. Bang hang hiam cih leh, “Kain in Abel that ahih manin Abel’ tangin Pasian in kei a dingin naupang khat hong sehsak hi,” amah in ci hi.

Piancilna 4:26

Seth in zong tapa khat nei a, ama min Enosh ci hi. Tua hun a kipanin mite in Topa bia-in a min lawh ding kipan ta uh hi.

Luka 3:37

Lamek’ pa Methuselah, Methuselah’ pa Enok, Enok’ pa Jared, Jared’ pa Mahalaleel, Mahalaleel’ pa Kainan,

Luka 4:1

Kha Siangtho tawh a kidimin Jordan gun panin Jesuh hong ciahkik a, Kha Siangtho in gamlakah paipihin,