Luka 3:13 - Tedim Bible

¹³ Amah in, “Na don’ dingun a kilawm zahval na dong kei un,” ci-in a dawng hi.

Tedim Bible Revision 2017

¹³ Amah in, “Na don dingun a kilawm zahval na dong kei un,” ci-in a dawng hi.

Luka 3:13 Referans Kwoze

1 KORIN MASA 6:10

a gutate, a huaihamte, zukhamte, mi gensiate, ahih kei leh mi’ na a sutte khat beek, Pasian’ Ukna sungah lutthei het lo ding hi.

Luka 19:8

Tua ciangin Zakkhias dingin Topa kiangah, “Topa aw, ka neihsa a kimkhat mizawngte tungah ka pia ding hi. Mi khatpeuh khemin a na ka laksak leh a zah li-in ka lohkik ding hi,” a ci hi.

Efesa 4:28

Guta ngeite in gu nawn loin, ama nuntak nading thuman takin thalawhin, mizawngte zong a huhtheih lai nadingin thatang tawh nasep ding kipan ta uh hen.

Micah 6:8

Mun khempeuhah a om no mihingte aw, Topa in a hoih nate hong gen khinzo hi. Topa in note tung panin hong kalh thu in: Thuman thutang sem ding a, itna kip nei tawntungin, kiniamkhiatna tawh Pasian’ thu man’ ding ahi hi.

Mattiu 7:12

Tua ahih manin note tungah hong kibawl ding na deih bangun midangte tungah na bawl un. Moses Thukhamte le kamsangte’ thuhilhnate pen hih mah a deihna ahi hi.

Hebru 12:1

Tua hi a, eite in i kiim i pamah hih zahin a tam teci nei ihih ciangin eite a hong dongtangsak thei nate khempeuh le eite a hong gakcip mawhna le khialhnate khempeuh paikhia-in, i mai-ah a om tai nading lampi a mong dongin lungsim kiptakin tai ni.

Paunak 28:13

A khialhna a im mite a dau pai lo ding a, a mawhna pulakin a kikheel mite in hehpihna ngah ding uh hi.

Late 18:23

Ama mai-ah kawkbaang hetloin ka om a, kisuanna dingte panin kei ka kikem hi.

Luka 3:12

Siahdongte pawlkhat zong tui a kiphum dingin hong pai-in Johan kiangah, “Sia aw, bangci gamtat ding ka hi uh hiam?” ci-in a dong uh hi.

Luka 3:14

Galkap pawlkhatte in zong ama kiangah, “Kote, bangci gamtat ding ka hi uh hiam?” ci-in a dot uh ciangin, “Zawhthawh thu tawh ahi a, a man lopi-in mawhsakna tawh ahi zongin kuama sum sut kei unla, na khasum ngahzah uh tawh lungkim un,” ci-in a dawng hi.