Luka 3:1 - Tedim Bible

¹ Gam tampi a uk Sisar Tiberius in a ukzawh a kum sawm le ngana, Pontias Pilat in Judea gam ukin, Herod in Galilee gam ukin, a nau Filip in Iturea gam le Trakhonitis gam ukin, Lysanias in Abilene gam uk a,

Tedim Bible Revision 2017

¹ Gam tampi a uk Sisar Tiberius in a uk zawh a kum sawm le kum ngana, Pontias Pilat in Judea gam ukin, Herod in Galilee gam ukin, a nau Filip in Iturea gam le Trakhonitis gam ukin, Lysanias in Abilene gam uk a,

Luka 3:1 Referans Kwoze

Luka 2:1

Tua hun laitakin gam tampi a uk Sisar Augustas in ama ukna gam sung mi a phazah a kitheih nadingin mi khempeuh min sazian a kilak nadingin thu a pia hi.

Mattiu 27:2

Sikkhau tawh khihin paipih uh a, tua gam sungteng a uk Pilat mangpa khut sungah a ap uh hi.

Sawltak 26:30

Tua ciangin kumpi Agrippa le menzi Festas hong ding uh a, Bernis le a tutpih midangte zong hong ding khia uh hi.

Sawltak 24:27

Ahi zongin tua zawh kum nih hong bei ciangin Feliks sepna pen Porsias Festas in hong laih hi. Feliks in Jew mite’ pahtak ding ut ahih manin thong sungah Paul a omsak suak hi.

Sawltak 23:26

“A Lian Menzipa aw, Keimah Klaudias Lysias in hopihna lai ka hong gelh hi.

Sawltak 4:27

A cih mah bangin Herod le Pontias Pilat in hih khuapi sung teek mahah Gentail mite le Israel mite tawh kikupna nei uh a, nangmah in Khrih dingin na bawl, a siangtho na Nasempa Jesuh thah dingin a vaihawm uh hi.

Luka 23:24

Tua ahih manin amaute’ ngetna bangin piak dingin Pilat in thu a khen hi.

Luka 9:7

Galilee gam sungteng a uk Herod in hih thupiangte a zak ciangin lungmang mahmah hi. Bang hang hiam cih leh mi pawlkhat in, “Johan hong hingkik hi,” ci uh hi.

Luka 3:19

Ahi zongin, gam ukpa Herod in ama naupa’ zi Herodias a tenpihna hang le a gamtat hoih lohna a tuamtuamte’ hangin Johan in Herod a taii hi.

Marka 6:17

Bang hang hiam cih leh Herod in a nau Filip’ zi Herodias a tenpihna hangin Johan in Herod kiangah, “Na naupa’ zi na tenpih ding ngeina hi lo hi,” ci-in gen zelzel ahih manin Herodias a heh suak a, galkapte in Johan manin thong sungah a khiat nadingin Herod a vaihawmsak hi.

Mattiu 14:3

Bang hang hiam cih leh Herod in a nau Filip’ zi Herodias a tenpihna hangin Johan in Herod kiangah, “Na naupa’ zi na tenpih ding ngeina hi lo hi,” ci-in gen zelzel ahih manin Herod a heh suak a, Johan mansakin, khau khihsakin, thong sungah a khumsak hi.

Mattiu 14:1

Tua hun laitakin Galilee gam sungteng a uksawn kumpi Herod in Jesuh’ thu a za hi.

Piancilna 49:10

Judah in kumpi ciangkhut len tawntung ding a, a suan a khakte in zong ukna aana nei tawntung ding hi. Minam dangte in ama tungah siah puak ding a, zahtakna tawh ama mai-ah kun ding uh hi.

Mattiu 14:6

Ahi zongin Herod’ suah ni pawi bawl hun hong tun ciangin mihonte mai-ah Herodias’ tanu hong laam ciangin Herod lungdam mahmah ahih manin,

Mattiu 22:17

Tua ahih ciangin Rom kumpipa Sisar tungah siah i piak ding kilawm hiam, na ngaihsutna nong gen nadingin ka deih uh hi,” a ci uh hi.

Marka 6:21

Ahi zongin a tawpna-ah Herodias in hunhoih ngah hi. Herod a suah ni hun a tun ciangin kumpi uliante, galkapmangte, le Galilee gam sunga om ulian khempeuh a dingin pawi a kham hi.

Luka 13:31

Tuahun laitakin Farisi mi pawlkhat hong pai-in Jesuh kiangah, “Herod in nang thah hong sawm ahih manin hih lai panin mun dang khatah paikhia in,” a ci uh hi.