Luka 24:51 - Tedim Bible

⁵¹ Amaute thupha a piak laitakin amaute kiang panin paikhia-in vantungah amah a kilato hi.

Tedim Bible Revision 2017

⁵¹ Amaute thupha a piak laitakin amaute kiang panin pai khia-in vantungah amah a kila to hi.

Luka 24:51 Referans Kwoze

Sawltak 1:9

Hih thu a genkhit ciangin amaute’ muhtangpi mahin vanah Jesuh kilato a, meiipi in liah ahih manin amah mu thei nawn lo uh hi.

Johan 20:17

Tua ciangin Jesuh in, “Kei hong lenlen nawn kei in. Ka Pa kiangah a paito nai lo ka hi hi. Ka sanggamte kiangah va pai inla, ‘Keima Pa le note’ Pa, keima Pasian le note’ Pasian’ kiangah ka pai ding hi,’ ci hi, ci-in va gensak zaw in,” a ci hi.

2 KUMPI NIHNATE 2:11

Tua ciangin amaute a pai kawmkawm a kiho laitakun, mei leeng khat le mei sakolte in amaute nih a khen hi. Tua ciangin vantungah Elijah pingpei-in paito hi.

Hebru 4:14

Tua ahih manin eite in Pasian’ omna vantung a va tung khinsa, Siampi Lianpen ahi Pasian’ Tapa Jesuh neikhin ihih manin i sansa upna thu kiptakin len ni.

Hebru 1:3

Tua Tapa in Pasian’ minthanna vang hong taangkhiasak a, Pasian’ lim taktak mah hong pua-in, ama kampauna tawh leitung vantung buppi pai-in a kip hi. Mihingte a mawhna panun a siansak khit ciangin Vanglian pipa Pasian’ taklam, vantungah a tu hi.

Marka 16:19

(Tua bangin Topa Jesuh in amaute tungah thu a gen khit ciangin vantungah kilato-in Pasian’ taklamah a tu hi.

Luka 24:50

Tua ciangin Jerusalem khuasung panin Bethany khuagei ciang amaute paipih a, tua lai panin a khut laamto-in amaute thupha a pia hi.

Luka 24:52

Amaute in amah bia uh a, lungdam mahmahin Jerusalem khua-ah a ciahkik uh hi.