Luka 24:36 - Tedim Bible

³⁶ Amaute hih thu kikumin a om laitakun thakhat thu-in Jesuh mahmah amaute lakah hong ding a, “Nopna ngah ta un,” ci-in amaute a hopih hi.

Tedim Bible Revision 2017

³⁶ Amaute hih thu kikumin a om laitakun thakhat thu-in Jesu mahmah amaute lakah hong dinga, “Nopna ngah ta un,” ci-in amaute a hopih hi.

Luka 24:36 Referans Kwoze

2 THESALONIKA NIHNA 3:16

Eite tungah nopsakna a hong pia thei Topa in note tungah a tawntungin nopsakna hong pia hen la, amah in note khempeuh hong ompih tahen.

Luka 10:5

Inn khat peuhpeuhah na lut uh ciangin, ‘Hih inn-ah nopsakna hong tung ta hen,’ ci-in hopih masa un.

Marka 16:14

(Tua khit ciangin a tawpna-ah, an a nek laitakun nungzui sawm le khatte mahmah kiangah a kilang hi. A kithawhkiksak khit ciangin amah a mu mite’ thugen um lo uh ahih manin a lungkhauhna uh le a up lohna hangun amaute a taii hi.

Isaiah 57:18

“Amau’ mawh gamtatnate a vekin ka mu khin a, ahih hangin amaute ka damsak ding hi. Amaute makaihin ka hehnem ding a, a dah a kapte hehnemin ka lungdamsak ding hi.

Mangmuhna 1:4

Johan in Asia gam sungah a om pawlpi sagihte tungah a khak lai ahi hi. A beisa hun, tuhun, le mailam hunah a om tawntung Pasian kiang pan le ama tokhom mai-ah a om Kha Siangtho sagihte tung pan le,

1 KORIN MASA 15:5

Tua ciangin Peter kiangah kilang a, a zomah sawltak sawm le nihte kiangah kilang hi.

Johan 20:26

Tua zawh nipikal khat ciangin nungzuite zong innsung khatah kikhawm leuleu uh a, tua hunin Thomas zong a om hi. Amaute kong kikhaknelh uh hinapi-in Jesuh hong pai-in amaute lakah hong ding a, “Nopna ngah ta un,” ci-in a hopih khit ciangin

Johan 16:33

Keimah tawh na hong kipawlna uh hangin lungnopna na neihtheihna dingun hih thu a hong gen ka hi hi. Leitung gimna na thuak ding uh hi. Ahi zongin keimah in leitung nate zo khinta ka hih manin lungnuamin om un,” a ci hi.

Johan 14:27

Note tungah keima neih bang lungnopna ka hong pia ding hi. Tua ka hong piak ding lungnopna pen leitung mite in a piaktheih a kip lo lungnopnate pawl hi lo hi. Tua ahih manin lau kei unla, zong lungkham kei un.

Mattiu 10:13

Tua na hopihna uh innsunga mite in note hong tunsaknop leh na hopihna thupha uh amaute tungah kip ding a, ahi zongin hong tunsaknop kei uhleh na hopihna thupha uh na dokkik ding uh hi.

Sawltak 1:3

Ama sih khitzawh ni sawmli sung amaute tungah tam veipi kilang a, amah a nungta taktak ahihna teltakin a kithei ahi hi. Amaute in amah mu uh a, Pasian’ Ukna thu amaute tungah a gen hi.

1 KORIN MASA 15:7

Tua ciangin James tungah kilang a, tua banah sawltak sawm le nihte tungah kilang leuleu hi.