Luka 23:5 - Tedim Bible

⁵ Ahi zongin amaute in nawhsa takin nakpau semsem uh a, “Amah in mite a buai nadingin thu hilh a, Galilee gam pan hong kipanin Judea gam sung khempeuhah hong hilh a, tu-in hih lai mun hong tungta hi,” a ci uh hi.

Tedim Bible Revision 2017

⁵ Ahi zongin amaute in nawhsa takin nak pau semsem uh a, “Amah in mite a buai nadingin thu hilh a, Galilee gam pan hong kipanin Judea gam sung khempeuh ah hong hilh a, tu-in hih lai mun hong tung ta hi,” a ci uh hi.

Luka 23:5 Referans Kwoze

Johan 2:11

Jesuh in nalamdang a bawl masak pen Galilee gam Kana khua-ah hih bangin Pasian’ pianzia a neihna kilangsak a, a nungzuite in zong amah a um uh hi.

Johan 1:43

A zing ciangin Jesuh in Galilee gamah pai ding ngaihsun hi. Filip tawh kituak a, ama kiangah, “Hong zui in,” a ci hi.

Marka 1:14

Thong sungah Johan a kikhiat khit ciangin Galilee gam sungah Jesuh hong pai a, Pasian kiang panin hong pai Lungdamna Thuthak gen a,

Mattiu 4:23

Galilee gam sung khempeuhah Jesuh pai kawikawi a, amau’ kikhopna innte-ah thu hilhin, vantung ki-ukna hangin lungdamna thute hilh a, natna tuamtuam a nei cina khempeuh a damsak hi.

Sawltak 23:10

Amaute’ kitotna hong husia semsem ahih manin amaute in Paul balthanggawp kha ding hi, ci-in galkap mangpa lunghimawh hi. Tua ahih manin galkapte in Paul va kaikhia-in galkap inn-ah a paipih nadingun thu a pia hi.

Sawltak 10:37

Johan in tuiphumna thu a hilh khit a kipanin Galilee gam a kipan Judea gam khempeuhah a piang thu lianpite na thei uh hi.

Sawltak 7:57

Ahi zongin amaute in a bil uh humsanin nakpitakin kiko-in Stefen bawhhuan uh a,

Sawltak 7:54

A kikhawm uliante in Stefen’ thugen a zak uh ciangin nakpitakin heh uh a, a ha uh gawisan uh hi.

Sawltak 5:33

Uliante in hih thu a zak uh ciangin heh mahmah uh ahih manin sawltakte thah dingin a ngaihsun uh hi.

Johan 19:15

amaute in, “That in, that in, singlamteh tungah that in,” ci-in a kiko uh hi. Pilat in, “Na Kumpipa uh that mawk ding ka hi hiam?” a cih ciangin siampi liante in, “Rom gam khempeuh a uk Kumpipa simloh kumpi dang ka nei kei uh hi,” ci-in a dawng uh hi.

Johan 7:52

Tua ciangin amaute in, “Nang zong Galilee gammi na hi hiam? Lai Siangtho sung sim lecin Galilee gam sung panin kamsang khat beek a pian’ ngei lohna thu na thei ding hi,” a ci uh hi.

Johan 7:41

pawlkhat in, “Hih pa, Khrih ahi hi,” a ci uh hi. Ahi zongin pawlkhat in, “Galilee gam panin Khrih hong piang ding ahi hiam?

Luka 23:23

Ahi zongin a aw neihzah uh tawh amaute awng semsem uh a, singlamteh tungah Jesuh a thah nading gen uh ahih manin a tawpna-ah a zo uh hi.

Luka 11:53

Tua mun panin Jesuh a paikhiat khit a kipanin Thukham hilh siate le Farisi mite in nakpitakin Jesuh mawhzon ding kipanin thu tampi tak dong uh a,

Mattiu 27:24

A gengen hangin bangmah phattuamna om loin buaina piangzaw kha ding, ci-in Pilat in a theih ciangin, tui la-in mihonpi’ muhin a khut sil a, “Hih mipa a sihna thu-ah kei ka kihel kei hi. Note in thei ta un,” a ci hi.

Late 69:4

Thu om lopi-in kei a hong mudah mi, ka lu tunga samzangte sangin tamzaw uh hi. Kei a hong susia ding, zuauthu tawh a hong dote hat mahmah uh hi. Kei’ guk lohpi ke’n loh ding ka hi hiam?

Late 57:4

Huaihamna tawh mihing a netum, humpinelkai tawh a kibang mite’ lakah ka om hithiat hi. Amau’ hate, namsau hiam tawh kibang hi.

Late 22:16

Ka kiimah uite om a, siatna bawl mi honkhat in kei hong umcih uh hi. Ka khut ka khete hong sunletzo uh hi.

Mattiu 2:1

Herod in Judea gamah kumpi a sep hun laitakin tua gam sung Bethlehem khua-ah Jesuh a suak hi. A suah khit phetin aksi thu lamsang a siam mi pawlkhat, nisuahna lam panin Jerusalem-ah hong tung uh a,

Mattiu 11:1

Jesuh in a nungzui sawm le nihte a vaikhakna a man khit ciangin tua kiimnai-a om khuate-ah thuhilh ding le thugen dingin tua mun panin a paikhia hi.

Luka 23:6

Pilat in hih thu a zak ciangin, “Hih mipa Galilee mi ahi hiam?” ci-in a dong hi.