Luka 23:40 - Tedim Bible

⁴⁰ Ahi zongin a khat pa in a lawmpa taii a, “Pasian nangawn kihta lo na hi hiam? I vekpi-in gim hong kipiakna kibangkim hi.

Tedim Bible Revision 2017

⁴⁰ Ahi zongin a khat pa in a lawmpa taii a, “Pasian nangawn kihta lo na hi hiam? I vekpi-in gim hong kipiakna kibang kim hi.

Luka 23:40 Referans Kwoze

Mangmuhna 15:4

Topa aw, nang, kua in hong kihta lo ding a, na liatna hong phat lo ding ahi hiam? Nang bek na siangtho hi. Thumanin na sepnate mi khempeuh in mu uh ahih manin minam khempeuh nang kiangah hong pai-in, na mai-ah hong bia ding uh hi,” a ci uh hi.

Efesa 5:11

Khuamial gamtatna, bangmahin a kimang lo nasepnate su vet kei unla, tua bang gamtatnate a hoih lohna pholak zaw un.

Luka 12:5

Kuate kihta ding na hi uh hiam cih leh, mite in a thah khitsa mipa pen hell khuk sungah a khiathuah theilai Pasian na kihta un.

Jeremiah 5:3

Topa aw, nangmah in thuman en gige hi lo na hi hiam? Nangmah in amaute na sat hangin a awlmawh tuan kei uh hi. Na sukgawp hangin na thuhilhna a ngai tuan kei uh hi. Amaute’ maitang suangtum sangin sakzaw a, a kisik nuam kei uh hi.

Late 36:1

Mawhna in migilo pa’ lungsim tawngah thu gen a, amah in Pasian zahtakna nei het lo hi.

2 KHANG TANGTHU NIHNATE 28:22

Hih Kumpi Ahaz mah pen, a lungkham hunin Topa’ tungah citak lozaw lai hi.

Siampi Laibu 19:17

“Note in na lungsim sung uhah na sanggampa uh na mudah kei ding uh a, na vengte uh tawh thu na kituah lohna uh kikum khawmin na siangsak ding uh hi; tua hikeileh ama hangin khialhna na pua ding uh hi.

Mangmuhna 16:11

a meimate uh na a sak manun vantung Pasian a samsia uh hi. Ahi zongin a gamtat siatna uh panin kisik nuam lo uh hi.

Mattiu 8:26

Jesuh in, “Bang hangin tuaci lau na hi uh hiam? Na upna uh neu mahmah hi,” a cih khit ciangin tho-in huihpi le tuihualte thu pia a, a dai dide pah hi.

Luka 23:39

Amah tawh a kikhai khawm mi that pa khat in zong Jesuh zahko a, “Nang Khrih hi lo na hi hiam? Nangmah kihonkhia inla, tua ciangin kote zong hong honkhia in,” a ci hi.

Luka 23:41

Ei tegel pen i gamtatna tawh kizui-in thu hong kikhen ahih manin ahi ding mah ahi hi. Ahi zongin amah in khialhna bangmah nei lo hi,” a cih khit ciangin

Mattiu 20:9

Nitak nai nga hunin a kipan nasemte ngun peek khat ciat kipia hi.