Luka 23:26 - Tedim Bible

²⁶ Tua ciangin amaute in Jesuh paikhiatpih uh a, gam sung panin khuapi sungah a hong pai, Sairin khuami Simon a kici mi khat tawh a kituak uh hi. Amaute in tua pa manpah uh a, a singlamteh suanin Jesuh’ nung zui-in a puasak uh hi.

Tedim Bible Revision 2017

²⁶ Tua ciangin amaute in Jesu paikhiatpih uh a, gam sung panin khuapi sungah a hong pai, Sairin khuami Simon a kici mi khat tawh a kituak uh hi. Amaute in tua pa man pah uh a, a singlamteh suanin Jesuʼ nung zui-in a puasak uh hi.

Luka 23:26 Referans Kwoze

Sawltak 6:9

Ahi zongin mi pawlkhat in Stefen langpan’ uh hi. Tua mite pen mite in, “Sal Suakta Mite,” a cihte pawl uh hi a, Sairin khua le Alexandria khua panin a hong pai Jew mite ahi uh hi. Hih Jew mite, Silisia le Asia gam pan a hong pai Jew mite tawh kipawlin Stefen tawh thu kisel dingin hong kipan uh hi.

Sawltak 6:6

Amaute in sawltakte kiangah hih mite paipih uh a, sawltakte in a lu tung uhah a khut uh nga-in thu a ngetsak uh hi.

Sawltak 2:10

Frigia gam, Pamfilia gam, Egypt gam, le Sairin khuapi gei-a om Libya gamte pan ihi a, pawlkhatte Rom gam pan ihi hi.

Luka 14:27

Ama singlamteh mah puatawmin ka nung hong zui lote, keima nungzui hi thei lo hi.

Luka 9:23

Tua ciangin Jesuh in a nungzuite le mi khempeuh kiangah, “Mi khatpeuh in kei hong zuihnop leh ama deihna bangin gamta nawn loin nisimin a singlamteh pua-in hong zui ding hi.

Sawltak 13:1

Antiok khua pawlpi sungah kamsang pawlkhat le sia pawlkhat om uh hi. Tuate pen Barnabas, Mi Vom pa zong a kici Simon, Sairin khuami Lusias, gam ukpipa khutnuai-ah gam a uksawn Herod tawh a khangkhawm Manaen, le Saul ahi uh hi.

Luka 23:25

Mi buaisakna le mi thahna hangin thong sungah a kikhia mipa amau’ ngetna bangin khah a, amau’ deihna bangin a bawl dingun Jesuh a piakhia hi.

Mattiu 5:41

Galkapte khatpeuh in tai khat sung a van pua dingin hong sawl leh a valin tai khat sung mah na puaksak lai in.