Luka 23:25 - Tedim Bible

²⁵ Mi buaisakna le mi thahna hangin thong sungah a kikhia mipa amau’ ngetna bangin khah a, amau’ deihna bangin a bawl dingun Jesuh a piakhia hi.

Tedim Bible Revision 2017

²⁵ Mi buaisakna le mi thahna hangin thong sungah a kikhia mipa amauʼ ngetna bangin khah a, amauʼ deihna bangin a bawl dingun Jesu a pia khia hi.

Luka 23:25 Referans Kwoze

Sawltak 3:14

Amah mi hoih mi siangtho hinapi-in, amah na nial zawsop uh a, mi that khat a khahkhiat nadingin Pilat kiangah na ngen uh hi.

Marka 15:15

Pilat in mihonte lungkimsak nuam ahih manin Barabbas khah a, Jesuh a satsak khit ciangin singlamteh tungah thah dingin galkapte’ khut sungah a ap hi.

Johan 18:40

amaute awng gawpin, “Hih mipa khah kei in! Barabbas hong khah in!” ci-in a dawng uh hi. (Barabbas pen mi suamin thongkia khat ahi hi.)

Luka 23:5

Ahi zongin amaute in nawhsa takin nakpau semsem uh a, “Amah in mite a buai nadingin thu hilh a, Galilee gam pan hong kipanin Judea gam sung khempeuhah hong hilh a, tu-in hih lai mun hong tungta hi,” a ci uh hi.

Luka 23:2

Tua lai panin amah mawhzon ding kipan uh a, “Hih mipa in ka mipihte uh lam khialsakin, kumpipa tungah siah piak loh dingin thu gen a, amahmah zong Khrih ahi kumpi khat ahihna a kigenna zong ka za uh hi,” a ci uh hi.

Mattiu 27:26

Tua ciangin amaute’ deihna bangin Barabbas khah a, Jesuh ahihleh a sat khit ciangin singlamteh tungah thah dingin a piakhia hi.

1 SAMUEL MASA 12:13

“Tu-in note’ teelsa, note’ nget kumpipa en un; Topa in note’ tungah kumpi khat koih khinta hi.

Luka 23:24

Tua ahih manin amaute’ ngetna bangin piak dingin Pilat in thu a khen hi.

Luka 23:26

Tua ciangin amaute in Jesuh paikhiatpih uh a, gam sung panin khuapi sungah a hong pai, Sairin khuami Simon a kici mi khat tawh a kituak uh hi. Amaute in tua pa manpah uh a, a singlamteh suanin Jesuh’ nung zui-in a puasak uh hi.

Johan 19:16

Tua ahih ciangin singlamteh tungah thah dingin amaute’ khut sungah Jesuh a pia ta hi.

Esther 3:11

Tua ciangin kumpipa in Haman kiangah, “Na sum cihte nangmah kong piakik hi; na mi cihte zong nangma khut sungah kong pia hi; na ut bangbangin bawl in,” a ci hi.