Luka 23:23 - Tedim Bible

²³ Ahi zongin a aw neihzah uh tawh amaute awng semsem uh a, singlamteh tungah Jesuh a thah nading gen uh ahih manin a tawpna-ah a zo uh hi.

Tedim Bible Revision 2017

²³ Ahi zongin a aw neihzah uh tawh amaute awng semsem uh a, singlamteh tungah Jesu a thah nading gen uh ahih manin a tawpna ah a zo uh hi.

Luka 23:23 Referans Kwoze

Zekhariah 11:8

Kha khat sungin tuucing adang thumte ka notkhia hi. Bang hang hiam cih leh amaute tungah ka lungduaizo nawn kei a, amaute in kei hong mudah uh hi.

Late 57:4

Huaihamna tawh mihing a netum, humpinelkai tawh a kibang mite’ lakah ka om hithiat hi. Amau’ hate, namsau hiam tawh kibang hi.

Luka 23:5

Ahi zongin amaute in nawhsa takin nakpau semsem uh a, “Amah in mite a buai nadingin thu hilh a, Galilee gam pan hong kipanin Judea gam sung khempeuhah hong hilh a, tu-in hih lai mun hong tungta hi,” a ci uh hi.

Marka 14:31

Ahi zongin Peter in, “Nang tawh sihkhawm nading ciang dong ahi zongin kong nial ngei het kei ding hi,” ci-in khauhtakin a gen hi. Tua mah bangin a vekpi-un a ci kim uh hi.

Luka 23:22

Tua ciangin amaute tungah a thumveina thu gen a, “Amah in bang mawhna bawl ahi hiam? Sihna a thuak nadingin ama gamtatna bangmah ka mu kei hi. Tua ahih manin amah satin ka khah ding hi,” a ci hi.

Luka 23:24

Tua ahih manin amaute’ ngetna bangin piak dingin Pilat in thu a khen hi.