Luka 23:2 - Tedim Bible

² Tua lai panin amah mawhzon ding kipan uh a, “Hih mipa in ka mipihte uh lam khialsakin, kumpipa tungah siah piak loh dingin thu gen a, amahmah zong Khrih ahi kumpi khat ahihna a kigenna zong ka za uh hi,” a ci uh hi.

Tedim Bible Revision 2017

² Tua lai panin amah mawh zon ding kipan uh a, “Hih mipa in ka mipihte uh lam khialsakin, kumpipa tungah siah piak loh dingin thu gen a, a mahmah zong Khris ahi kumpi khat ahihna a kigenna zong ka za uh hi,” a ci uh hi.

Luka 23:2 Referans Kwoze

Johan 19:12

Pilat in hih thu a zak ciangin Jesuh a khahtheih nading lampi zongin a hanciam hi. Ahi zongin Jew mihonte awngin kiko uh a, “Hih mipa na khah peuhmah leh Rom gam khempeuh a uk Kumpipa tawh a kipawl lo na hi ding hi. Kumpi hi’ng, a ci khempeuh pen gam khempeuh a uk Kumpipa a langpang ahi hi,” a ci uh hi.

Luka 23:14

amaute kiangah, “Hih mipa in i mipihte lam khialsak hi, ci-in mawhsakin kei kiangah nong paipih uh hi. Note khempeuh mai mahah amah thu ka sit a, amah na mawhsakna uh thute khat beekah a mawhna ka mu kei hi.

Sawltak 24:5

Hih mipa, buaina a piangsak, a kihtakhuai mi ahihna ka mu uh hi. Mun khempeuha om Jew mite lakah buaina piangsak a, Nazareth mi pawl a kicite a makai pa ahi hi.

Johan 18:30

amaute in, “Hih mipa a gamtat a sialo hileh nang kiangah ka hong paipih kei ding uh hi,” ci-in a dawng uh hi.

Marka 12:17

Tua ciangin Jesuh in, “Tua ahihleh, Sisar’ neihsate Sisar’ tungah pia unla, Pasian’ neihsate Pasian’ tungah pia un,” a ci hi. Tua ama thudawnna hangin lamdang a sa mahmah uh hi.

Mattiu 22:21

amaute in, “Sisar’ lim le a min kigelh hi,” a ci uh hi. Tua ciangin Jesuh in amaute kiangah, “Sisar’ nate Sisar’ tungah na pia unla, Pasian’ nate Pasian’ tungah na pia un,” a ci hi.

Zekhariah 11:8

Kha khat sungin tuucing adang thumte ka notkhia hi. Bang hang hiam cih leh amaute tungah ka lungduaizo nawn kei a, amaute in kei hong mudah uh hi.

Jeremiah 38:4

Tua ciangin kumpipa’ uliante in kumpipa kiangah, “Hih mipa i thatlum ding hi. Bang hang hiam cih leh hih thute a gen manin hih khuapi sungah a omlai galkapte le mi khempeuhte lungkia sakin thazawsak hi. Hih mipa in i gam mite’ phattuamna ding zong loin a gim ngah nading uh a zongzaw ahi hi,” a ci uh hi.

Jeremiah 20:10

Mite’ kihuau simna thu tampi ka za a, mun khempeuh lauhuai hi. Ka lawm itte khempeuh in ka cihmawh ding hong ngak gige uh a, “A mawhna pulak ni! A mawhna pulak ni! Amah i khemzo kha ding hi. Tua hileh i zo kha ding a, tua ciangin i thukkik ding hi,” hong ci uh hi.

Late 62:4

Amah a zaliatna panin sukniam ding bekbek amaute in a sawm uh hi. Amaute in thuman lo-ah nuamsa mahmah uh hi. Amaute in a kampi uh tawh phat khem uh a, ahih hangin a sungtawng uhah samsiat uh hi.

Sawltak 24:13

Tu-a kei hong mawhsaknate uh zong a manna thu hong lakthei het lo ding uh hi.

Luka 23:5

Ahi zongin amaute in nawhsa takin nakpau semsem uh a, “Amah in mite a buai nadingin thu hilh a, Galilee gam pan hong kipanin Judea gam sung khempeuhah hong hilh a, tu-in hih lai mun hong tungta hi,” a ci uh hi.

Mattiu 17:27

Ahi zongin amau’ nasepna a nawngkaisak i suahkhak loh nadingin tuili-ah nga siahna sikkawi va khia inla, a awk masa penpen hong kaikhia in. Tua a ngasa kam sung en lecin dangka tang peek khat na om ding hi. Tua sum la inla, ei tegel a dingin biakinn siah va pia in,” a ci hi.

Amos 7:10

Bethel-ah a om siampi nasem Amaziah in Israel Kumpi Jeroboam kiangah thu puak a, “Amos in Israel mite lakah nang hong sawm hi. Ama thugen in i gam sung siasak ding hi.

Late 35:11

Mi a el tecite hong kipan uh a, ka theih loh thute kei hong dong uh hi.

1 KUMPI MASATE 18:17

Ahab in Elijah a muh ciangin, “Israel mite a lungkhamsak pa, nang na hi hiam?” a ci hi.

Mattiu 27:11

Tu-in gam ukpa Pilat mai-ah Jesuh kidingsak ahih manin amah in, “Nang, Jew mite’ Kumpipa na hi hiam?” ci-in a dot ciangin Jesuh in, “Nang zong tua mah nong ci hi,” ci-in a dawng hi.

Marka 15:2

Pilat in, “Nang, Jew mite’ Kumpipa na hi hiam?” ci-in a dot ciangin Jesuh in, “Nang zong tua mah nong ci hi,” ci-in a dawng hi.

Johan 18:29

Tua ahih manin amaute kiangah Pilat hong pusuakin, “Hih mipa na mawhsakna uh bang ahi hiam?” ci-in a dot ciangin

ROM (Romans) 13:7

Tua ahih manin phiangsiah piak dingte tungah pia-in, mangmu piak dingte tungah pia-in, zahtak dingte zahtak bawlin, pahtawi dingte pahtawi ta un.