Luka 23:14 - Tedim Bible

¹⁴ amaute kiangah, “Hih mipa in i mipihte lam khialsak hi, ci-in mawhsakin kei kiangah nong paipih uh hi. Note khempeuh mai mahah amah thu ka sit a, amah na mawhsakna uh thute khat beekah a mawhna ka mu kei hi.

Tedim Bible Revision 2017

¹⁴ amaute kiangah, “Hih mipa in i mipihte lam khialsak hi, ci-in mawhsakin kei kiangah nong paipih uh hi. Note khempeuh mai mahah amah thu ka sit a, amah na mawhsakna uh thute khat beek ah a mawhna ka mu kei hi.

Luka 23:14 Referans Kwoze

Daniel 6:4

Tua ahih ciangin vaihawmpi dangte le gam ukpite in Daniel’ nasepna encikin a mawhna zon ding a hanciam uh hi. Ahih hangin Daniel pen a thuman le a citak khat ahih manin a mawhna le a simtatna a muzo kei uh hi.

Hebru 7:26

Tua bangin a siangtho, paubaanna a nei lo, vantungah a lian penin a kikoih Siampi Lianpen Jesuh i neih a hoih mahmah ahi hi.

Sawltak 13:28

Amaute in Jesuh in sihna a thuak nadingin thukhenna a ngah nading thu mu zo lo napi uh, Pilat in thah nading thu a piak nadingin na ngen teitei uh hi.

Mattiu 27:54

Jesuh enin a om galkap bupa le galkapte in zinlinna le a thupiangte a muh uh ciangin lamdangsa mahmah uh a, “Hih pa, Pasian’ Tapa taktak mah ahi hi,” a ci uh hi.

Mattiu 27:24

A gengen hangin bangmah phattuamna om loin buaina piangzaw kha ding, ci-in Pilat in a theih ciangin, tui la-in mihonpi’ muhin a khut sil a, “Hih mipa a sihna thu-ah kei ka kihel kei hi. Note in thei ta un,” a ci hi.

Mattiu 27:19

Tua banah, thukhen zumah thusitin a om hunsung mahun, a zi in thu zasak a, “Tuzan ka mang sungin ama hangin nakpitakin gimna thuak ka hih manin, mawhna nei lo tua mipa bangmah cihkha kei in,” a ci hi.

Mattiu 27:4

“Mawhna a nei lo mipa a si dingin lehhek kha ka hih manin ka mawh hi,” a va ci hi. Ahi zongin amaute in, “Kote tawh bang kisai nawn ding ahi hiam? Nangma tavuan ahi hi,” a na cihsan uh hi.

Sawltak 17:11

Thesalonika khuamite sangin Berea khuamite in mipi lungsim neizaw uh hi. Amaute in lawp mahmahna tawh Paul’ thugente ngai uh a, Paul’ thugente man taktak hiam ci-in a theih nadingun nisimin Lai Siangtho a sim uh hi.