Luka 23:11 - Tedim Bible

¹¹ Tua ciangin Herod le galkapte in Jesuh zahko-in simmawh bawl uh a, kumpi puantualpi a silhsak khit uh ciangin Pilat kiangah a puakkik uh hi.

Tedim Bible Revision 2017

¹¹ Tua ciangin Herod le galkapte in Jesu zahko-in simmawh bawl uh a, kumpi puan tualpi a silhsak khit uh ciangin Pilat kiangah a puakkik uh hi.

Luka 23:11 Referans Kwoze

Isaiah 53:3

Amah pen mite in simmawhin nusia a, gimna le natna a thuak ahi hi. Mite in en nuam loin a mai uh a humsan uh mipa bangin amah kisimmawh a, eite in amah i thusim kei hi.

Johan 19:5

Tua ahih manin Jesuh zong ling lukhu khukawm leh puansan silhkawmin hong pusuak a, Pilat in mihonte kiangah, “En un, hih lai-ah na mipa uh om hi,” a ci hi.

Marka 9:12

Jesuh in, “Na khempeuh a bawlkhol dingin Elijah hong pai masa takpi hi. Mihing Tapa in gimna tampi thuakin simmawhna ngah ding hi, ci-in Lai Siangtho in gen hi lo ahi hiam?

Isaiah 49:7

Israel a honpa le ama Siangtho Pa ahi Topa in nakpitakin simmawhna a thuak, minamte in a muhdah, gam ukte’ nasempa tungah: “Nangmah a hong teel Israel-te’ Siangtho Pa, a thuman Topa’ hangin mite na hotkhiatna thu kumpite in a muh uh ciangin zahtakna tawh na mai-ah hong ding ding uh a, na mai-ah uliante hong kun ding uh hi,” hong ci hi.

Late 22:6

Ahih hangin kei pen lungno khat bang lel ka hi a, mi ka bang kei hi. Mite’ ko gawpgawp, mite’ simmawh ka hi hi.

Mattiu 14:1

Tua hun laitakin Galilee gam sungteng a uksawn kumpi Herod in Jesuh’ thu a za hi.

Mattiu 14:3

Bang hang hiam cih leh Herod in a nau Filip’ zi Herodias a tenpihna hangin Johan in Herod kiangah, “Na naupa’ zi na tenpih ding ngeina hi lo hi,” ci-in gen zelzel ahih manin Herod a heh suak a, Johan mansakin, khau khihsakin, thong sungah a khumsak hi.

Mattiu 14:6

Ahi zongin Herod’ suah ni pawi bawl hun hong tun ciangin mihonte mai-ah Herodias’ tanu hong laam ciangin Herod lungdam mahmah ahih manin,

Luka 23:10

Siampi liante le Thukham hilh siate in hong neh uh a, Jesuh mawhsakna thu nakpitakin hong gen uh hi.

Jeim 2:2

Gentehna-in, kham zungbuh bulhin puan manpha a silh mihau khat le puan siasa a silh mizawng khat, note’ kikhopna-ah hong paikhawm leh,

Jeim 2:3

limtakin a kizem mipa zahtakbawl zaw-in, “Hih lai-ah tutna nuamah hong tu in,” ci le-uhcin a, ahi zongin mizawng pa kiangah, “Tua lai-ah na ding phot in,” cihna ahi a, “Sual tung hih ka khe kiang khawngah hong tu in,” cihna ahi zongin kam na zat uhleh,