Luka 22:61 - Tedim Bible

⁶¹ Jesuh zong kihei-in Peter hong en a, “Tuni-in ak a khuan’ ma-in thumvei nong nial ding hi,” ci-in Topa’ kampauna thu Peter in hong phawkvat hi.

Tedim Bible Revision 2017

⁶¹ Jesu zong kihei-in Peter hong en a, “Tu ni-in ak a khuan ma-in thum vei nong nial ding hi,” ci-in Topaʼ kampauna thu Peter in hong phawk vat hi.

Luka 22:61 Referans Kwoze

Luka 22:34

Tua ciangin Jesuh in, “Peter aw, ke’n a mantakin kong genin-ah, ‘Amah ka thei kei hi,’ ci-in thumvei nong nialkhit matengin tuni-in ak khuang lo ding hi,” a ci hi.

Ezekiel 16:63

Na gamtatnasa khempeuh kong maisak khit ciangin na gamtatnasa khempeuh na phawkkik ding a, maizum lua-in cih nading mel thei loin na om ding hi, Topa Pasian in ci hi,” a hong ci hi.

JOB (Job) 33:27

Tua ciangin amah in mihonpite’ zakna-ah, ‘Kei ka khial khin hi. A manin ka gamta kei a, ahi zongin Pasian in kei hong suaktasak hi.

Mangmuhna 2:5

Tua ahih manin na lampialna uh phawkin, na mawhna uh panin kihei unla, na gamtat ngeisa bangun gamta kik un. Na mawhna panun kihei-in na kisikkik kei uhleh note kiangah hong pai-in na meivakna uh ka hong lakkhiatsak ding hi.

Efesa 2:11

Amau mahmah in amau pumpi tungah a hihna uh tawh vun a ki-at mite ka hi uh a ci Jew mite in, vun a ki-at lo mite a hong cih uh, na pian’ na patun Gentail mi ahi note in nidanga na omzia uh phawkkik dih un.

Sawltak 5:31

Israel mite kisik kikin Pasian in a mawhna uh a maisak theih nadingin Ukpi le Honpa-in tua Jesuh bawlin ama taklamah a tusak hi.

Johan 13:38

Jesuh in, “Kei hong sihpih ngam ding na hi hiam? A mantakin kong genin-ah, kei thumvei na hong nialkhit matengin ak khuang lo ding hi,” ci-in a dawng hi.

Luka 10:41

Ahi zongin Topa in, “Martha, Martha aw, nang na lunghihmawhna tam hi.

Luka 7:13

Topa in tua meigongnu a muh ciangin a khasiat suak a, “Kap kei in,” ci-in a khem hi.

Marka 5:30

Jesuh in ama sung panin a vangliatna a paikhiatlam phawkpah ahih manin mihonpite lakah khuadakin, “Kua in ka puan hong lawng na hi uh hiam?” a ci hi.

Mattiu 26:75

Tua ciangin, “Ak a khuan’ ma-in kei thumvei na hong nial ding hi,” ci-in Jesuh in a gen thu, Peter in phawkkik ahih manin paikhia-in nakpitakin a kap hi.

Mattiu 26:34

Jesuh in, “Tuzan mahmahin ak a khuan’ ma-in kei, thumvei tak na hong nial ding lamtak phawk in,” a ci hi.

Hosea 11:8

Israel mite aw, bangci-a hong nusia thei ding a, bangci-a hong paidak thei ding ka hi hiam? Admah khua ka suksiat bangin kong susia nuam kei a, Zeboiim khua ka bawl bangin kong bawl nuam kei hi. Note hong khasiat mahmah ka hih manin tua banga hih ding ka lungsimah om lo hi.

Luka 7:19

Johan in zong ama nungzuite nih sam a, Topa kiangah amaute paisakin, “Johan in hong pai ding a cih pa mah na hi hiam, tua ahih kei leh adang na lamen lai ding ka hi uh hiam?” ci-in a dong dingin a sawl hi.

Luka 22:60

Ahi zongin Peter in, “Lawm aw, na thugen ka thei kei hi,” ci-in a dawng hi. Tua bangin a pau laitakin thakhatin ak hong khuang hi.

Luka 22:62

Tua ciangin Peter paikhia-in nakpitakin a kap hi.