Luka 22:52 - Tedim Bible

⁵² Tua ciangin Jesuh in amah a man dingin a hong pai siampi liante, biakinncing palikmangte, le upate kiangah, “Namsau le molhtum tawh kei hih dingin nong kuan nadingun kei pen gal le sa ka hi hiam?

Tedim Bible Revision 2017

⁵² Tua ciangin Jesu in amah a man dingin a hong pai siampi liante, biakinn cing palik maangte le upate kiangah, “Namsau le molhtum tawh kei hih dingin nong kuan nadingun kei pen gal le sa ka hi hiam?

Luka 22:52 Referans Kwoze

Luka 22:4

Tua ahih manin Judas va paikhia a, siampi liante le biakinncing palikmangte tawh va kiho uh a, amaute’ khut sungah Jesuh a piaktheihna dingzia a kikum uh hi.

Sawltak 5:26

Tua ciangin biakinn ukpa le a mite va pai-in sawltakte hong paipih kik uh hi. Mihonte in suang tawh amaute a dengawp khak ding lau uh ahih manin sawltakte ngongbawl loin thudam tawh a paipih uh hi.

Johan 17:12

Amaute tawh ka omkhawm hun lai-in nangma hong piak na min vangliatna tawh amaute ka kem hi. Amaute ka hu a, a maimang ding pa simloh khat zong ka kisamsak kei hi. Tua a maimang pa lah Lai Siangtho sung thu a tun nading ahi hi.

Mattiu 26:55

Tua ciangin Jesuh in mihonte kiangah, “Gal le sa bangin hong ngaihsun a, keimah a man dingin namsau le molhtum tawh hong kuan na hi uh hiam? Nisimin biakinn sungah thu ka hilh niloh a, ahi zongin kei nong man kei uh hi.

2 KUMPI NIHNATE 11:15

Tua ciangin siampi Jehoiada in galkap a ukte thu pia-in, “A pua-ah tua nu paikhiatpih un. Amah a panpih peuhmah namsau tawh that un,” a ci hi. Bang hang hiam cih leh siampipa in, “Topa’ biakinn sungah amah that kei un,” a ci hi.

Mattiu 26:47

Tua bangin Jesuh in thu a gen laitakin sawm le nihte sung panin Judas hong tung a, siampi liante le upate in a hong sawl, namsau le molhtum a tawi mihonpi tawh hong tonkhawm hi.

Luka 22:37

Bang hangin hih bangin hong gen ka hi hiam cih leh, Lai Siangtho in, ‘Mawhneite lakah amah kihelsak hi,’ ci-in keima thu a genna pen hong tung ding hi,” a ci hi.

Luka 22:51

Ahi zongin Jesuh in, “Tua bangin gamta nawn kei un,” ci-in a mipa’ bil lawnsakin a damsak hi.

Luka 22:53

Nisimin biakinn-ah note tawh ka omkhawm a, bangmah nong cih kei uh hi. Ahi zongin hih hun pen nomau’ hun hi a, khuamial sung a uk Satan’ vangliat hunsung ahi hi,” a ci hi.