Luka 22:36 - Tedim Bible

³⁶ Tua ciangin Jesuh in, “Ahi zongin, tu-in ahihleh, sumbawm ahi a, ip ahi zongin a neite in keng unla, namsau a nei lo peuhmah in na puansilh uh zuak unla khat lei un.

Tedim Bible Revision 2017

³⁶ Tua ciangin Jesu in, “Ahi zongin, tu-in ahihleh, sumbawm ahi a, ip ahi zongin a neite in keng unla, namsau a nei lo peuhmah in na puansilh uh zuak unla khat lei un.

Luka 22:36 Referans Kwoze

1 THESALONIKA MASA 3:4

Bang hang hiam cih leh note tawh kong omkhawm lai-un zong, na theihsa uh bangin tu-a na thuak bangte teekteek mah uh a thuak ding hi hang, ci-in ka hong genkholhsa uh ahi hi.

Johan 16:33

Keimah tawh na hong kipawlna uh hangin lungnopna na neihtheihna dingun hih thu a hong gen ka hi hi. Leitung gimna na thuak ding uh hi. Ahi zongin keimah in leitung nate zo khinta ka hih manin lungnuamin om un,” a ci hi.

1 PETER MASA 4:1

Khrih in ama pumpi-in thuak ahih manin note in zong tua bang lungsim mah nei-in na kithakhauhsak ding uh ahi hi. Bang hang hiam cih leh pumpi-in a thuak mite peuhmah, mawhna tawh kisawhkha nawn lo uh hi.

Johan 15:20

‘Sila pen a topa sangin lianzaw lo hi,’ ci-in ka hong thugenna phawk un. Amaute in kei hong bawlsiat uhleh note zong hong bawlsia ding hi. Ka thugente hong zuih uhleh note’ thugente zong hong zui ding hi.

Mattiu 10:10

Khualzinna-ah an ngenin puak nading ip ahi a, khedap ahi a, ciangkhut ahi zongin keng kei unla, puanak zong a val kengthuah kei un. Nasem mite pen amau sapnateng mite in a piak ding a ngeina ahi hi.

Luka 22:35

Tua ciangin Jesuh in amaute kiangah, “Note in sumbawm, ip, le khedap keng loin kong sawlkhiat lai-in kitangsapna na nei uh hiam?” ci-in a dot ciangin, “Bangmah ka kitangsapna uh om lo hi,” ci-in a dawng uh hi.

Luka 22:37

Bang hangin hih bangin hong gen ka hi hiam cih leh, Lai Siangtho in, ‘Mawhneite lakah amah kihelsak hi,’ ci-in keima thu a genna pen hong tung ding hi,” a ci hi.

Luka 22:38

Amaute in, “Topa aw, en in; hih lai-ah namsau nih om hi,” ci-in a gen uh ciangin Jesuh in, “Tua ahihleh phazo hi,” ci-in a dawng hi.