Luka 22:32 - Tedim Bible

³² Ahi zongin, Simon aw, na upna na khahsuah loh nadingin nang a dingin thu kong ngetsak khin hi. Kei kiangah nong kiheikik ciangin nungzui na lawmte na hanthawn in,” a ci hi.

Tedim Bible Revision 2017

³² Ahi zongin, Simon aw, na upna na khahsuah loh nadingin nang adingin thu kong ngetsak khin hi. Kei kiangah nong kiheikik ciangin nungzui na lawmte na hanthawn in,” a ci hi.

Luka 22:32 Referans Kwoze

ROM (Romans) 8:34

Tua ahih manin kua in amaute tungah thu khenthei nawn ding ahi hiam? Eite a dingin a hong thumsak pa pen Pasian’ taklamah a tu, a sih khit ciangin sihna panin a kihingkiksak Khrih Jesuh hi lo ahi hiam?

Hebru 7:25

Tua hi a, mite a dingin a thumsak thei dingin amah nungta tawntung ahih manin ama tungtawnin Pasian kiang a zuante khempeuh, tu a kipanin a tawntungin a honkhia thei ahi hi.

2 PETER NIHNA 3:14

Tua ahih ciangin ka itte aw, hih Ni ding ngakin na om laitakun Pasian’ muhna-ah paubaanna om hetloin amah tawh nuamtakin na omkhawm theih nadingun hanciam un.

1 PETER MASA 1:5

Note’ upna hangin nitawp ni ciangin na ngah ding uh hotkhiatna nomau-a’ ahihna a kilatsak nadingin Pasian in ama vangliatna tawh a hong kepsak ahi hi.

Luka 8:13

Suang kitawphah leilak a tukna munte pen Pasian’ thu a zak ciangin lungdam takin a sangte a cihna ahi hi. Ahi zongin amaute sungah thuktum lo ahih manin tawlkhat sung bek um uh a, ze-etna hun a tun ciangin a puk uh hi.

Sawltak 3:19

Tua ahih ciangin na mawhnate uh hong sawpsiangsak theih nading, Topa kiang panin a hong pai lungsim nopna hun na ngah theih nading uh le note a dingin a sehsa Jesuh Khrih a hong sawltheih nadingin na mawhna uh kisik unla, Pasian kiang zuan un.

1 PETER MASA 1:13

Tua ahih manin na lungsim uh ki-ukin a kigingsa-in om unla, Jesuh Khrih hong kilat ni ciangin na ngah ding uh hehpihna thupha ngaihsutin nei un.

Hebru 12:15

Pasian’ hehpihna a ngahlah na hihkhak loh nadingun na kidawm un. Zungkha a nei singkung hong khangin mi tampi gimsakin a siatsak bangin mite a siasak na hihkhak loh nadingun na kidawm un.

Mattiu 18:3

“A man mahmahin note kiangah kong genin-ah: Note kikheelin naupang na bat kei uhleh vantung ki-ukna sungah na lut ngei kei ding uh hi.

1 JOHAN MASA 2:19

Khrih’ gal ahi hih mite pen ei’ pawl hi ngei napi-in hong taisan uh hi. Ei’ pawl taktak hileh eite tawh omkhawm paisuak ding uh ahih manin, tu-in amaute paikhia uh ahih ciangin ei’ pawl taktak ahihlohna uh hong kilang hi.

Johan 14:19

Tawlkhat khit ciangin leitung mite in kei hong mu nawn lo ding uh hi. Ahi zongin kei ka nuntak mah bangin note zong nungta ding na hih manun note in kei na hong mu ding uh hi.

Marka 14:72

Tua khit phetin ak nihveina a khuang hi. Tua ciangin, “Ak nihvei a khuan’ ma-in kei thumvei na hong nial ding hi,” ci-in Jesuh in ama tungah a gensa thu Peter in phawkkik a, dahlua-in a kap hi.

Marka 16:7

Tu-in pai unla, Peter le Jesuh’ nungzui dangte kiangah hih thu va gen un. Note tungah hong gensa bangin Galilee gam amaute mai-ah pai hi; tua lai-ah amah na mu ding uh hi, ci hi, ci un,” a ci hi.

Mattiu 26:75

Tua ciangin, “Ak a khuan’ ma-in kei thumvei na hong nial ding hi,” ci-in Jesuh in a gen thu, Peter in phawkkik ahih manin paikhia-in nakpitakin a kap hi.

1 PETER MASA 1:1

Jesuh Khrih sawltak keimah Peter in Pontas gam, Galatia gam, Kappadosia gam, Asia gam, le Bithynia gamah kithehthangin peemta-in a om mite kiangah lai ka hong khak hi.

ROM (Romans) 8:32

Ama Tapa nangawn siit loin eite khempeuh a dingin hong piakhia ahih manin, na dang khempeuh zong hong piazaw kan ding hi lo ahi hiam?

Titu 1:1

Pasian’ sila, le Jesuh Khrih’ sawltak ahi keimah Paul in, Thuzuau a gen ngei lo Pasian in tangtawng pekin thu hong ciamin, a hunhoih a tun ciangin thuhilhna tawh a hong kilatsak nuntak tawntungna thu lametna tawh, Pasian’ teel mite’ upna le thuman thutak a theihna uhah biakna thu tawh kituakin a khan semsem nading thu a hilh dingin eite hong Hon Pasian’ thupiakna tawh nasep hong kipia ahih manin,

2 TIMOTI NIHNA 2:18

Thuman lampi panin amaute pialkhin uh a, thawhkikna thu pen a beisa thu hi ta hi, ci-in thu um mi pawlkhat lungmangsak uh hi.