Luka 22:27 - Tedim Bible

²⁷ Anne dingin sabuai-ah a tupa le an a piapa kua lianzaw ahi hiam? Anne dingin a tupa lianzaw mah hi. Ahi zongin kei pen note lakah anpia-in na a sempa bangin ka hong om hi.

Tedim Bible Revision 2017

²⁷ An ne dingin sabuai ah a tupa le an a pia pa kua lian zaw ahi hiam? An ne dingin a tupa lian zaw mah hi. Ahi zongin kei pen note lakah an pia-in na a sem pa bangin ka hong om hi.

Luka 22:27 Referans Kwoze

Mattiu 20:28

Mihing Tapa zong nasem nei dingin hong pai hi loin mi dangte a’ ding na semin, mi tampi tat nading a si dingin a hong pai ahih mah bangin note zong a tuaci ding na hi uh hi,” a ci hi.

Luka 12:37

A topa hong ciah ciangin a kigingsa-in amah ngakin a om uh a muh nasemte pen mi hampha mahmah ahi uh hi. Note kiangah kong genin-ah, a topa zong hong kithawi-in a nasemte an vak dingin tusak ding a, amahmah in a nasemte an thukin na a sem ding hi.

2 KORIN NIHNA 8:9

Bang hang hiam cih leh i Topa Jesuh zong hau mahmah napi-in ama zawnna tawh note mihau na suahtheih nadingun note’ hangin mizawngin hong kibawl ahih manin i Topa Jesuh Khrih hong itna bangzah takin lian hiam, cih thu na thei uh hi.