Luka 22:19 - Tedim Bible

¹⁹ Tua ciangin anlum la-in Pasian tungah lungdamna a kohkhit ciangin amaute tungah pia a, “Hih pen note a dingin a hong kipia keima pumpi ahi hi. Keimah nong phawk nadingun na ne un,” a ci hi.

Tedim Bible Revision 2017

¹⁹ Tua ciangin anlum la-in Pasian tungah lungdamna a koh khit ciangin amaute tungah pia a, “Hih pen note adingin a hong kipia keima pumpi ahi hi. Keimah nong phawk nadingun na ne un,” a ci hi.

Luka 22:19 Referans Kwoze

1 KORIN MASA 10:16

Nekkhawm bawlna-ah leenggahzu hangin Pasian tungah lungdamna ko-in i dawn ciangin Khrih sisan hangin thuphate eite in zong a ngahkhawm cihna hi lo ahi hiam? I balnen anlum i nek ciangin zong Khrih pumpi hangin thuphate mah a ngahkhawm cihna hi lo ahi hiam?

Luka 22:20

Tua mah bangin an a nekkhit uh ciangin amaute tungah hai pia a, “Hih leenggahzu pen note a dingin a luangkhia, Pasian’ thuciamna thak a kipsak ka sisan ahi hi.

1 KORIN MASA 10:4

a vekpi mahun kha tawh kisai tui na dawn uh hi. Bang hang hiam cih leh amaute a tonpih, kha tawh kisai suangpi panin tui na dawn uh a, tua suangpi pen Khrih ahi hi.

Late 111:4

Amah in phawk tawntung dingin a lamdang nasepnate hong bawl a, Topa dikin hehpihna nei hi.

Titu 2:14

I mawhna khempeuh panin hong honkhia ding le ama neihtuam i suahtheih nadingin Jesuh amahmah hong kipumpiak a, eite pen gamtat hoih gamtat ding a lawp mahmah ihi hi.

1 PETER MASA 2:24

Eite, mawhna lamah misi bangin, thuman lamah nungta-in i gamtat theih nadingin Khrih mahmah in eite’ mawhna ama pumpi mahmah tawh singlamteh tungah a pua hi. Ama liamna hangin note in damna na ngah uh hi.

Efesa 5:2

Khrih in eite a hong it manin Pasian in eite’ mawhna hong maisak theih nadingin a namtui biakna-in Pasian kiangah a kipiak mah bangin note zong itna tawh na gamta un.

Galati 1:4

A siahuai tuhun sung panin eite a hong suahtaksak nadingin eite’ Pa Pasian’ deihna tawh kizui-in i mawhna hangin tua Jesuh Khrih amahmah a hong kipiatawm ahi hi.

Johan 6:51

Kei pen vantung panin a hong paisuk nuntakna an ka hi hi. Tua an a ne mi peuhmah nungta tawntung ding hi. Leitung mite a nuntak nadingin ka piak ding an pen keima sa ahi hi,” a ci hi.

Luka 24:30

Amaute tawh an ne dingin a tut ciangin Jesuh in anlum la a, Pasian tungah lungdamna a kohkhit ciangin balnenin amaute a pia hi.

Mattiu 14:19

lopa tungah mihonte a tut nadingun a sawl hi. Tua ciangin anlum nga le ngasa tawn nih la-in vantung lam ento a, Pasian tungah a lungdamna a ko hi. Tua ciangin anlum balnenin a nungzuite pia a, a nungzuite in mihonte mai-ah a lui uh hi.

Johan 6:23

Ahi zongin Tiberias khua panin gunkuang dang tampi hong pai a, Jesuh in lungdamna a kohkhit ciangin an a nekna uh munah hong tung uh hi.

Luka 22:17

Tua ciangin Jesuh in a hai sang a, Pasian’ tungah lungdamna a kohkhit ciangin, “Hih hai hong sang unla, na vekpi-un na gual dawn un.

Solomon la 1:4

Hong kai inla zawltai ni. Ka kumpi hong hi inla, na inn-ah hong ciahpih in. Nang tawh om leeng i lung dam hi; leenggahzu ne-in nuamsa ni. Nang kong ngaihkhak tuahpha ing.

1 THESALONIKA MASA 5:18

bangbang hong piang taleh na lungdamna uh Pasian tungah ko tawntung un. Khrih Jesuh tawh kipawlin na nuntakna sung uhah hih bangzia-in na om ding uh Pasian in a hong deih ahi hi.

Daniel 2:38

Amah in mi’ tenna leitungteng, ganhingteng le vasate a uk dingin nang a hong koih hi. Tua kham lutang pen nangmah na hi hi.

Galati 4:25

Arabia gam a om Sinai Mual lim ahi Hagar pen tu laitakin a mite tawh salin a om Jerusalem khuapi a cihnopna ahi hi.

Ezekiel 37:11

Tua ciangin Pasian in kei kiangah, “Mihing ahi Ezekiel aw, Israel mite pen hih guhte tawh kibang uh hi. Amaute in, ‘I keucip a, i lamet ding bangmah om nawn loin i nuntakna guipi beita hi,’ ci uh hi.

Mattiu 15:36

Anlum sagih le a ngasate la-in Pasian tungah lungdamna a koh khit ciangin balnenin a nungzuite tungah pia a, a nungzuite in mihonpite mai-ah a lui uh hi.

Ezekiel 5:5

Tua ciangin Topa Pasian in, “Hih Jerusalem khuapi lim en in. Leitung laizangah ka koih a, a kimkotah gamdang khempeuh ka omsak hi.