Luka 21:35 - Tedim Bible

³⁵ Theihkholh lohin thang kisai bangin leitung mi khempeuh tungah hih thu hong piangvat ding hi.

Tedim Bible Revision 2017

³⁵ Theih kholh lohin thang kisai bangin leitung mi khempeuh tungah hih thu hong piang vat ding hi.

Luka 21:35 Referans Kwoze

Mangmuhna 16:15

(“Na ngai un! Guta bangin kei ka hong pai hi. Mihon lakah guaktangin pai-in maizumna a ngahkhak loh nadingun a puante uh kemin, pilvang khuaphawkin a om mite a hampha ahi uh hi.”)

Luka 17:37

Tua ciangin a nungzuite in Jesuh kiangah, “Topa aw, koi laitakah tua thute hong piang ding ahi hiam?” ci-in a dot uh ciangin Jesuh in, “Sapul omna peuhah musane a om mah bangin mi omna peuhah hong piang ding hi,” ci-in a dawng hi.

Thuhilh-sia 9:12

Mihing in ama hun ding thei ngei lo hi. Thangah a awk vasate le ngen-ah a awk ngasate tawh i kibang hi. Lamet loh hun laitak keekin hunsia sungah mihingte i tung hi.

Late 11:6

Amah in migilote tungah mei-am le kaat zusak ding a, amau’ ngah ding gimna huihsa mahmah hi ding hi.

Sawltak 17:26

Mihing khat tung panin leitung minam khempeuh hong piangsakin, leitung khempeuhah a omsak hi. Amah in mihingte a piansakma pekin, mihingte’ nuntak tanvei ding le a ten nading uh mun a sehsa ahi hi.

Piancilna 7:4

Bang hang hiam cih leh ni sagih sungin sun sawmli le zan sawmli sung leitungah guah ka zusak ding hi. Ka bawlsa nuntakna a nei peuhmah leitung panin ka phiatkhia ding hi,” a ci hi.

Luka 21:34

“Limtakin kidawm un. Thakhat thu-in tua Ni hong tung kha ding ahih manin zune anne le leitung nuntakna lunghimawhin thamang kei un.

Luka 21:36

Hih thupiang khempeuh thuakzawh nading thahatna na neih nading uh, le Mihing Tapa mai-ah na dintheih nadingun a tawntungin thu ngenin vil niloh un,” a ci hi.