Luka 21:26 - Tedim Bible

²⁶ Leitungah tu-in bang hong piang ding, ci-in a ngaihsut kawmun mite lau-in sibup ding uh hi. Vantunga om nate a pai ngei bangin pai nawn loin lampial mangkhin ding uh hi.

Tedim Bible Revision 2017

²⁶ Leitungah tu-in bang hong piang ding, ci-in a ngaihsut kawmun mite lau-in sibup ding uh hi. Vantung a om nate a pai ngei bangin pai nawn loin lampial mangkhin ding uh hi.

Luka 21:26 Referans Kwoze

Mattiu 24:29

“Tua gimna hun a tunkhit phetin ni hong mialin kha hong taang nawn lo ding a, vantung panin aksite hong kia ding a, vantung a om nate a pai ngei-in pai thei loin lampialgawp ding hi.

Siampi Laibu 26:36

“Note’ sung panin galte’ leitangah a omlai mite tungah lungsim gimna ka tungsak ding hi. Nahthel ging in amaute taisak ding a, namsau mai-ah mi khat a tai bangin amaute tai ding uh a, kuamah in a delh lohpi-in amaute puk ding uh hi.

Marka 13:25

Van panin aksite hong kia ding a, vantung a om nate a omngei bangin omthei nawn lo ding hi.

Isaiah 5:30

Tua ni ciangin amaute in tuipi ging bangin Israel ngik ding uh hi. Mi khatpeuh in hih gam sung en leh khuamial le lungzinna bek om a, meiite in khua a mialsak hi.

Luka 21:25

“Ni, kha, le aksite tungah lim hong om ding hi. Tuipi ging le tuihual liante kihtakna hangin leitung mi khempeuh lau-in lunggim ding uh hi.

Luka 21:27

Tua ciangin Mihing Tapa hong kilang ding a, minthanna le vangliatna tawh meii lakah hong pai ding hi.